Búgin 18-may kúni Berdaq atındaǵı Qaraqalpaq mámleketlik universiteti, Biologiya fakultetinde Ulıwma biologiya hám fiziologiya kafedrası docenti, biologiya ilimleriniń kandidatı Koshanova Roza Erejepovnanıń 70 jıllıq yubileyine baǵıshlanǵan sırt elli ilimpazlar qatnasında “Qubla Aral boyında entomologiyalıq izertlewlerdiń aktual mashqalaları”atamasında ilmiy seminar bolıp ótti. Seminarǵa Rossiya, Qazaqstan, sonday aq, Respublikadaǵı ilim-izertlew institutları xızmetkerleri hám joqarı oqıw orınları  professor-oqıtıwshıları óz bayanatları menen qatnastı. Seminardı universitetimizdiń ilimiy isler hám innovaciyalar boyınsha prorektorı Izimbet Turdımambetov alıp bardı.

Seminardı ótkeriwdiń tiykarǵı maqseti: Ózbekstan Respublikası hám qońsı mámleketlerde alıp barılıp atırǵan entomologiyalıq izertlewler nátiyjeleri, aymaqlardaǵı ekologiyalıq mashqalalardıń sheshimine qaratılǵan ilimiy-ámeliy pikir hám usınıslardı islep shıǵıwdan ibarat. Seminarda Rossiya Ilimler Akademiyası geografiya institutı úlken ilimiy xızmetkerleri Sobolev Nikolay Andreevich, Lyudmila Borisovna Volkova  hám Urgench mámleketlik universiteti professorı Masharipova Sultonposhsha Matrasulovna ilimiy bayanatları menen qatnastı. Májilis sońında seminarda qatnasıwshıları ózlerin qızıqtırǵan sorawlarǵa juwaplar aldı, óz pikirlerin  hám tileklerin bildirdi.

Sulayman Seytnazarov

Qaraqalpaq mámleketlik universiteti,

Ulıwma biologiya ham fiziologiya kafedrası docenti,

biologiya ilimleri kandidatı