Xabarıńız bar usı jıldıń 14-18-may kúnleri Ferǵana wálayatında «Universiada – 2022» oyınlarınıń jeńil atletika sport túri boyınsha final basqıshı ótkerildi. Final oyınlarına Qaraqalpaqstan Respublikası jeńil atletika saylandı komandası aǵzaları, yaǵnıy, Qaraqalpaq mámleketlik universiteti atınan qatnasqan Dene mádeniyatı fakulteti studentleri Diyarbek Shamuratov 800 metrge juwırıw boyınsha 2-orındı iyelep, gúmis medaldı hám 1500 metrge juwırıw boyinsha 1-orındı iyelep, altın medaldı, Nargiza Turdıniyazova yadro ılaqtırıw boyınsha 2-orındı iyelep, gúmis medaldı, Mirjan Abdijaliev 110 metrge barierden ótip juwırıw boyınsha 3-orındı iyelep, bronza medalın jeńip alıwǵa miyassar boldı. Sonday-aq, final oyınlarına studentlerimiz Valijon Xosinov, Atabek Uzaqbaev, Asadbek Davletov, Bexruz Erkaevlarda belsene qatnastı. Sportshılarımızdı qolǵa kiritken jeńisleri menen qutlıqlaymız hám aldaǵı ótkeriletuǵın jarıslarda tabıslar tileymiz. Sportshılardı dene mádeniyatı teoriyası hám metodikası kafedrası assistenti Barlıqbay Djumanov tayarladı.
R.Óteniyazov
Dene mádeniyatı fakultetiniń
jaslar menen islesiw boyınsha dekan orınbasarı
