Jarıs eresekler arasında shólkemlestirilip, oǵan 70 ten aslam studentler qatnastı. Jarıs qızǵın bellesiwlerge bay bolıp, jaslardıń júziw sportına bolǵan qızıǵıwshılıǵı, olardıń sport sheberlikleri sınaldı. Jarısqa tájiriybeli sportshılar, dene mádeniyatı teoriyası hám metodikası kafedrası professor-oqıtıwshıları, yaǵnıy bas tóreshi A.Qazaqbaev, járdemshi tóreshilerden N.Akimov, S.Tulepov, 2-kurs magistrantlar A.Saparbaev hám S.Ametovlar tóreshilik etti. Jarıs tóreshiler tárepinen tárepinen ádil bahalanıp, jeke birinshilik boyınsha I-orındı 101-topar studenti M.Turdımuratov, II-orındı 110-topar studenti S.Saparbaev, III-orındı 107-topar studenti J.Xalıqnazarov, IV-orındı 102-topar studenti R.Qutlımuratovlar jeńip alǵan bolsa, al 4×50 estafeta boyınsha I-orındı 110-topar studentleri, II-orındı 101-topar studentleri, III-orındı 102-topar studentleri, IV-orındı 104-topar studentleri jeńip alıwǵa miyasar boldı. Jarıs jeńimpazları shólkemlestiriwshiler tárepinen tayarlanǵan estelik sawǵaları menen sıylıqlandı.
Ótkerilgen jarıstıń tiykarǵı maqseti student-jaslar arasında salamat turmıs tárizin qáliplestiriw, sporttıń júziw túrin jáne de rawajlandırıw hám en jaydırıw, jaslardıń júziw sport túrine bolǵan qızıǵıwshılıqların arttırıw, olardıń sport sheberligin asırıw, qábiletli sportshılardı anıqlaw bolıp tabıladı.
R.Óteniyazov
Dene mádeniyatı fakultetiniń
jaslar menen islesiw boyınsha dekan orınbasarı
