Usı jıldıń 19-may kúni Qaraqalpaq mámleketlik universiteti bas imaratınıń májilisler zalında Saratov qalasındaǵı N.I.Vavilov atındaǵı genetika, biotexnologiya hám injeneriya universiteti wákili menen ushırasıw ótkerildi. Ushırasıwda Saratov mámleketlik universiteti docenti, biologiya pánleri kandidati Xapcev Zaur Yurevich, universitet Xalıqaralıq isler boyınsha prorektorı Timur Nurımbetov  hám Biologiya fakulteti professor-oqıtıwshıları, laboratoriya ilimiy qánigeleri qatnastı.

Ushırasıwda docent Xapcev Zaur Yurevich N.I.Vavilov atındaǵı genetika, biotexnologiya hám injeneriya universiteti ilimpazları tárepinen jaratılǵan “Mikrotorf” innovaciyalıq tógini hámde onı Qaraqalpaqstan Respublikasınıń klimat sharayatında qollaw, sol tiykarda onıń nátiyjeliligin anıqlaw  boyınsha birgelikte ilimiy izertlewler alıp barıw boyınsha birge islesiw niyetin bildirdi.

Universitet alımları da bul usınıs birinshiden, respublikamızdıń awıl xojalıǵın rawajlandırıwda jańa imkaniyatlar jaratıwı múmkinligin, sonday-aq, eki universitet ortasında birge islesiw baylanısların jolǵa qoyıwda ayrıqsha áhmiyetke iye ekenligin esapqa alǵan halda birge islesiwge tayar ekenligin bildirdi hám isleniwi kerek bolǵan is-ilájlar boyınsha kelisip alındı.