Korrupciyanıń aldın alıw hám oǵan qarsı gúresiw maqsetinde usı jıl 23-may kúni Dene mádeniyatı fakultetinde «Joqarı oqıw orınlarında korrupciyanıń aldın alıw hám oǵan qarsı gúresiw» atamasında úgit-násiyatlaw ilajı ótkerildi. Ilajǵa Dene mádeniyatı fakulteti dekanı N.Kaypov, jaslar menen islesiw boyınsha dekan orınbasarı R.Óteniyazov, Korrupciyaǵa qarsı gúresiw «Kompleans qadaǵalaw» bólimi baslıǵı K.Uteniyazov, QMU profilaktika inspektorı, kapitan I.Erejepov, Yuridika fakultetiniń «Korrupciyaǵa qarsı gúresiw» klubı aǵzaları, yurisprudenciya tálim baǵdarı studentleri A.Usmonov, R.Aybergenov, S.Tlewmuratov, tyutorlar, topar jetekshileri hám student-jaslar qatnastı.
Ilajda bayanatshılar elimizde ámelge asırılıp atırǵan reformalardıń nátiyjeliligin jáne de asırıw, jámiyetimizdiń jedel rawajlanıwı ushın shárayatlar jaratıw, mámleketimizdi modernizaciya qılıw hám barlıq tarawlardı liberallastırıw, nızamshılıqtı bekkemlew, sonday-aq, jámiyetimiz rawajlanıwı ushın korrupciyaǵa baylanıslı huqıqbuzarlıqlardıń aldın alıw, olardı anıqlaw hám toqtatıw, buǵan imkan beriwshi sebeplerdi saplastırıw boyınsha respublika boylap keń kólemli jumıslar ámelge asırılıp atırǵanlıǵın atap ótti. Korrupciya – rawajlanıw tosıǵı ekenligi, korrupciya hár qanday mámleket hám jámiyettiń siyasiy-ekonomikalıq rawajlanıwına úlken zıyan kórsetetuǵınlıǵı, mámlekettiń konstituciyalıq tiykarların hám nızam ústinligi, sonıń menen birge insan huqıqları hám erkinlikleriniń támiyinlenbewine alıp keletuǵınlıǵı, sol sebepli mámleketimizde korrupciyaǵa qarsı gúresiwdiń anıq sisteması jaratılǵanlıǵı, bul boyınsha kóplegen qararlar, pármanlar, nızamlar qabıl etilip atırǵanlıǵın aytıp ótti.
Usı tiykarda profilaktikalıq úgit-násiyatlaw ilajlar alıp barılıwına qaramastan korrupciya menen baylanıslı huqıqbuzarlıqlar júz berip atırǵanlıqların anıq faktler menen keltirip ótti. Bayanatshılar korrupciya jınayatınıń túsinigi, bul jaman illettiń aldın alıw hám oǵan qarsı gúresiw boyınsha usınısların bildirdi hám de hár bir studenttiń watanǵa bolǵan súyispenshiligin bekkemlew, hár túrli unamsız háreketlerdiń aldın alıw, student-jaslar ѳzlerin ilim-bilimdi rawajlandırıwǵa baǵıshlaw, watanpárwarlıq ruwxında tárbiyalaw, olarda huqıqıy sana hám mádeniyattı, dúnyalıq, ilimiy hám ádep-ikramlılıq dárejesin asırıw hám de qáliplestiriw hár birimizdiń ádiwli wazıypamız ekenligin atap ótti. Ilajda korrupciyaǵa qarsı gúresiw boyınsha tayarlanǵan videorolikler qoyıp berildi hám bul boyınsha studentler ózleriniń qızıqtırǵan sorawlarına tiyisli juwaplar aldı.
R.Óteniyazov
Dene mádeniyatı fakultetiniń
jaslar menen islesiw boyınsha dekan orınbasarı
