Qaraqalpaq Mámleketlik universiteti Málimleme resurs orayında jaylasqan  «Kitapqumarlar klubı» jámááti tárepinen ájayıp jańalıq

Elemizde kitapqumarlıq mádeniyatın ele de rawajlantırıw, jaslardı kitap oqıwǵa baǵdarlaw hám olardıń bos waqıtların mazmunlı ótkiziw maqsetinde «Kitapqumar student» tańlawına start beremiz.

Shártler júda ápiwayı
1) «Eń bilimdan student» shártinde 50 test sorawlarına juwap beriw.
2) «Men súyip oqıǵan kitap» temasında annotaciya jaratıw
3) » Kitapqumarlıq mádeniyatın keń jámiyetshilikke úgit násiyatlaw» boyınsha óz pikirlerińizdi anıq hám tınıq qılıp tıńlawshıǵa jetkizip beriwden ibarat. 

Tańlawǵa hár bir fakultetten tek bir qatnasıwshı (fakultet jeńimpazı) qatnasıw  múmkinshiligine iye.
Tańlaw jeńimpazları diplom hám estelik sawǵaları menen sıylıqlanadı
Tańlaw 30- may kúni saat 10:00 de QMU MRO 2-qabatında bolıp ótedi.

Qaraqalpaq mámleketlik universiteti studentleri arasında ótkeriletuǵın «kitapqumar student» tańlawı

Nızamı

Qaraqalpaq mámleketlik universiteti Málimleme resurs orayında dúzilgen  “Kitapqumarlar klubı» aǵzaları tárepinen Jaslar festivalı sheńberinde shólkemlestirilip atırǵan “Kitapqumar student” atamasındaǵı tańlaw maqseti, wazıypaları hám jarıs shártleri tómendegishe:

1. Ulıwmalıq qaǵıydalar:

         Jarıstıń aldına qoyǵan maqset hám wazıypaları:

         Universitet student-jasların Qaraqalpaq ádebiyatı, ózbek hám jáhan ádebiyatı dúrdanaları  menen jaqınnan tanıstırıp barıw, olardıń bos waqıtların mazmunlı ótkeriw, ádebiyatqa qızıǵatug’in qábiletli jaslardı qollap-quwatlaw, olardı kórkem ónerge, ádebiyatqa, dóretiwshilikke bolǵan qızıǵıwshılıǵın elede asırıw hám kitap oqıwǵa degen ıqlasın elede arttırıwdan ibarat.

1. Tańlaw shártleri:

         Hár bir fakultetten tek (bir) qatnasıwshı (fakultet basqıshı jeńımpazı) tómendegi shártler boyınsha óz bilimin sınaqtan ótkeredi:

1. “Bilimdan student” shárti (test formasında).

  Bul shártte qatnasıwshı test (50 test) sorawlarına juwap beriwi kerek.        Sorawlar qaraqalpaq hám ózbek ádebiyatlarınan beriledi.

         (Ajıratılǵan waqıt 30 minut)

2. «Men súyip oqıǵan kitap» shárti.

Bul shártte qatnasıwshı óziniń súyip oqıǵan kitabı boyınsha annotaciya jazıwı tiyis.

(Ajıratılǵan waqıt 30 minut)

 «Kitapqumarliq mádeniyatın en jaydırıw hám keń jámiyetshilik arasında úgit-násiyatlaw» shárti.

Bul shártte qatnasıwshı kitapqumarlıq mádeniyatın jaslar arasında en jaydırıwdı hám keń jámiyetshilik arasında úgit-násiyatlawdı slaydlar arqalı túsindirip beredi. (Ajıratılǵan waqıt 7 minut)

 III. Tańlaw qatnasiwshilarin Bahalaw sisteması:

1. «Bilimdan student» shártı boyınsha test (50 test) sorawı beriledi hám hár bir durıs juwap ushın 0,5 baldan esaplanıp barıladı. Sorawlar qaraqalpaq hám ózbek ádebiyatlarınan beriledi.

Usi shárt boyınsha 25 ballıq sistemada bahalanadı.

 “Men súyip oqıǵan kitap” shártinde jazılǵan annotaciyaǵa tóreshiler tárepinen kitaptı tolıq oqıǵanlıǵı, mazmun-mánisin túsingenligi hám onı sheberlik penen annotaciyada qatnasıwshınıń jetkerip beriw qábileti sınaladı. Bul shárt tómendegishe 25 ballıq sistemada bahalanadı.

       – Annotaciya jazıwdaǵı sawatqanlıq (orfografiyalıq jaqtan durıs jazılıw) dárejesine – 5 ball

      – Jazılǵan annotaciyada shıǵarmanıń mazmunın tolıq ashıp bergenligine – 5 ball

      – Kitapqumar tárepinen oqıǵan shıǵarmanıń mazmun-mánisine óziniń múnásibetin unamlı hám sın talqılaw arqalı túsindirgenligine – 5 ball

   – Annotaciya jazıwıda óz pikirin tolıq túsindirip bere alıw, kórkem obrazlardıń real ómir menen baylanıslılıǵın annotaciyada tolıq ashıp beriwine – 5 ball

    – Ádebiyatda berilgen ulıwma insanıylıq ideyalar hám milliy koloritdi ashıp bergenligine – 5 ball

         Usı shárt boyınsha 25 ballıq sistemada bahalanadı

 «Kitapqumarliq mádeniyatın en jaydırıw hám keń jámiyetshilik arasında úgit-násiyatlaw” shártinde qatnasıwshılar tóreshiler aldında awızsha túrde óz pikirin bayanlaydı.

Bul shárt boyınsha tóreshiler quramı qatnasıwshılardı tómendegishe  bahalaydı:

  – Kitapqumarlıq mádeniyatın keń jámiyetshilikke usınıw maqsetinde mámleketimizde islenip atırǵan is-ilajlar hám oǵan jaslardıń múnásibeti – 10 ball;

  -Shıǵıp sóylew dawamında ózi súyip oqıǵan shıǵarmasınıń kúshli hám tásirsheń táreplerin atap ótiwi hám usı shıǵarmadan alǵan túsiniklerin óziniń ómiri menen baylanıstırıwı – 10 ball;

 – Kitap oqıwdıń jaqsı tárepleri haqqında óz pikirin anıq faktler hám dálillerge súyengen halda tolıq hám tınıq bayan etiwi arqalı tıńlawshını ózine qarata alıwı – 10 ball;

 – Qaysıdır kitaptı oqıp atırǵan waqıtta qatnasıwshı tárepinen kitapqa bolǵan múnásibeti hám kitap oqıw mádeniyatına itibar beriwi – 10 ball;

 – Usı shártke baylanıslı túrde hár túrli qollanbalardan paydalanıwı (slayd islewi) – 10 ball; ulıwma shárt boyınsha 50 ballıq sistema.

  Bahalaw sistemasi 100 ballıq sistemada (25+25+50) bahalaw sistemasında alıp barıladı..

Esletpe: tańlawda jazılǵan annotaciyalar  qaytarıp berilmeydi.

Jeńımpazlardı sıylıqlaw:

         Jarısta jeńip shıqqan studentler universitet rektorı tárepinen diplom hám estelik sawǵalar menen sıylıqlanadı. 

1-2-3 -orın jeńimpazlarına diplom hám estelik sawǵalar beriledi hám belsendi qatnasqan studentlerge húrmet jarlıqları tapsırıladı.

1. Tańlaw ótkeriletuǵın waqıT:

    2023- jıl 30-may  kúni saat 10:00 de QMU MRO 2- qabatında bolıp ótedi.

    Bársheńizdi tańlawımızda belsene qatnasıwǵa shaqırıp qalamız!

1. TańlawDI Juwmaqlawshı qaǵıydalar:

   Tańlaw social tarmaqlar, televideniyede keń túrde jarıtılıp barıladı.

Tańlaw menen baylanıslı bolǵan sorawlarǵa juwaptı tómendegi tel nomer arqalı qosımsha maǵlıwmatlar alıwıńız mumkin.

         Maǵlıwmat ushın tel 61-2235954