Berdaq atındaǵı Qaraqalpaq mámleketlik universitetinde búgingi kúnde bir qatar sırt el mámleketleriniń joqarı oqıw orınları hám ilimiy izertlew mekemeleri menen bilimlendiriw hámde ilimiy izertlewler tarawları boyınsha óz-ara birge islesiw baǵdarında nátiyjeli túrde jumıslar alıp barılmaqta. Solar qatarında, universitet penen házirgi waqıtta hár tárepleme keń kólemdegi birge islesiw baǵdarındaǵı is-ilajlardıń dawamı retinde universitettiń bir topar professor-oqıtıwshılar jámááti, atap aytqanda, ilimiy izertlewler, innovaciyalar hám ilimiy-pedagog kadrlar tayarlaw bólimi baslıǵı K.Nizamatdinov, rus tili hám ádebiyatı kafedrası baslıǵı N.Karimxodjaev, fakultetler aralıq shet tilleri kafedrası baslıǵı D.Kubeysinova, algoritmlestiriw hám programmalastırıw kafedrası oqıtıwshısı, doktorant B.Samandarov nemis tili hám ádebiyatı kafedrası baslıǵı D.Berdimuratov, buxgalteriyalıq esap hám audit kafedrası professor-oqıtıwshıları B.Mırzanov hám S.Utegenova, awdarma teoriyası hám ámeliyatı kafedrası baslıǵı J.Seytjanov, qurılıs fakultetiniń oqıw isleri boyınsha dekan orınbasarı A.Purxanatdinovlar usı jıldıń 17-may kúninen baslap Kazan federal universitetinde oqıw hám ilimiy izertlew jumısların shólkemlestiriw hám ámelge asırıw boyınsha stajirovqada qatnaspaqta.
Bul stajirovkanı ámelge asırıwdan gózlengen eń tiykarǵı maqset usı baǵdarlarda óz-ara tájiriybe almasıw, joqarı oqıw orınlarında tálim processin elede jetilistiriw, aldınǵı innovaciyalıq hám pedagogikalıq tálim texnologiyalarınan nátiyjeli paydalanıw, xalıq aralıq talaplar hám standartlar dárejesinde ilimiy miynetlerdi tayarlaw hám Scopus, Web of Science bazalarındaǵı ilimiy jurnallarda baspadan shıǵarıw kánlikpelerin asırıw hámde basqa da bir qatar iskerlik baǵdarları boyınsha seminar treningler ótkerilmekte.
