Universitetimizde sırt el joqarı oqıw orınları, menen óz-ara birge islesiw, tájiriybe almasıw, ilimiy islerdi birgelikte orınlaw boyınsha baylanıslar ornatılıp, kóplegen studentler hám professor-oqıtıwshılar óz-ara tájiriybe almasıw, birge islesiw seminarlarına belsene qatnasıp kelmekte. Mine, usınday ilajlardan biri Ximiya-texnologiya fakulteti «Fizikalıq hám kolloidlıq ximiya» kafedrası tárepinen sırt el qánigeler qatnasında onlayn seminar shólkemlestirildi.
Seminarda Kyuto universiteti aspiranti Artёm Gabov «Fotoelektroximiyada hám materiallar sinteziniń ximiyalıq usıllarında qollanıw ushın aralas tiptegi anionlı materiallar» atamasında bolıp ótti. Seminarda A.Gabov energiyalardıń derekleri, suwdıń fotokatalitikalıq tarqalıw mexanizmleri, topoximiyalıq reakciyalar h.t.b. lar boyınsha keń túsinikler berip ótti. Seminarda kafedra professor-oqıtıwshıları, magistrantlar hám ziyrek student jaslar belsene qatnasıp, ózlerin qızıqtırǵan sorawların berdi hám tiyisli juwaplar aldı.

Ximiya tálim baǵdarı 3-kurs studenti A.Erejepova