Búgin 7-iyun kúni Ózbekstan Respublikası Joqarı Áskeriy Aviaciya bilim jurtı wákilleri – bilim jurtı baslıǵınıń oqıw hám ilimiy isler boyınsha orınbasarı H.Dusmatov hámde oqıw jurtınıń ilimiy-metodikalıq bólimi baslıǵı B.Ashurovlar ilimiy sapar menen Qaraqalpaq mámleketlik universitetinde boldı. Miymanlar dáslep universitettiń ilimiy isler hám innovaciyalar boyınsha prorektorı I.Turdımambetovtıń qabıllawında bolıp, bunnan soń universitettegi búgingi kúnde sapalı oqıtıw sistemasın jolǵa qoyıw hámde ilimiy izertlewlerdi nátiyjeli alıp barıw ushın jaratılǵan shárayatlar menen tanıstı. Sonday-aq, Ózbekstan Respublikası Joqarı Áskeriy Aviaciya bilim jurtında tálim hám ilimiy baǵdarda alıp barılǵan jumıslar hám basqa da birge islesiw baǵdarları haqqında keń túrde maǵlıwmatlar berildi. Usı baǵdarda aviaciya bilim jurtı Qaraqalpaq mámleketlik universitetinde keyingi jıllarda qolga kirgizilgen jetiskenlikler, jaratılǵan shárayatlar hám ilimiy innovaciyalıq iskerlik boyınsha xalıq aralıq hámde milliy reyting kórsetkishlerinde erisilgen nátiyjelern joqarı bahaladı. Ilimiy sapar dawamında miymanlar bunday jetiskenlikler hám basqa da aldınǵı tájiriybeler menen jaqınnan tanısıw menen birge Qaraqalpaq mámleketlik universiteti hám Ózbekstan Respublikası Joqarı Áskeriy Aviaciya bilim jurtı ortasında aldaǵı waqıtta barlıq baǵdarlar boyınsha óz-ara birge islesiw shártnaması dúzildi.
