12-iyun sánesinen baslap Shet tiller fakulteti Lingvistika (Inglis tili) qánigeligi magistrlarınıń magistrlik dissertaciya jumısların qorǵaw jumısları baslandı. Qorǵaw jumısında  Inglis til Lingvistikasına rawajlanıwına úlesin qosıp atırǵan birqansha ilimiy dárejeli, tájiriybeli ustazlar f.i.k. doc. G.Tleumuratov, f.i.k. doc. D.Xadjieva, f.i.k. doc. Dj.Kurbanbaev, Ph.D. doc. G.Djoldasova, Ph.D G.Kdirbaeva, Ph.D D.Djumambetova hám de bir qatar Inglis til bilimi kafedrası professor-oqıtıwshılıları qatnastı.

Pitkeriwshiler ózleriniń pitkeriw qánigeligi jumısı mazmunın prezentaciyalar arqalı ashıp berdi, qánigelik jumıs boyınsha ámelge asırılǵan jumısları, diplom jumısınıń mazmunı, maqseti, jańalıǵı, tájiriybe sınaw nátiyjelerin tanıstırdı. Magistrlik dissertaciya jumısları boyınsha professor-oqıtıwshılar tárepinen sorawlar, sın pikirler, usınıslar berip, jumıs qayta kórilip, komissiya aǵzalari pikirleri, qorǵaw dárejesine tiykarlanıp, tiyisli bahalar menen bahalandı hám keleshektegi ilimiy jumıslarına áwmet tiledi.