Sanaat texnologiyası fakultetinde Neft hám gazdi qayta islew hám ximiyalıq texnologiyası qánigeligi magistrlarınıń magistrlik dissertaciya jumısların qorǵaw bolıp ótti. Onda Qaraqalpaq mámleketlik universitetiniń ilimiy isler hám innovaciyalar boyınsha prorektorı geografiya ilimleriniń doktorı, docent I.Turdımambetov hám MAK aǵzaları: «Uz-Kor Gas Chemical» JSHJ qospa kárxanası oraylıq laboratoriyası jetekshi injeneri B.Allambergenov, Qaraqalpaq mámleketlik universiteti magistratura bóliminiń baslıǵı I.Allambergenov, Sanaat texnologiyası fakulteti dekanı t.i.k., docent R.Qurbaniyazov, «Neft hám gaz texnologiyası» kafedrası baslıǵı x.i.k., docent T.Naubeev, ÓzR IA QQB ТIIII ilimiy xatkeri, x.i.d., professor Sh.Turemuratov, «Neft hám gaz texnologiyası» kafedrası assistenti D.Abdikamalovlar qatnasıp, magistrlik dissertaciya jumısların qorǵawdıń talap hám shártleri menen tanıstırıp, pitkeriwshilerge keyingi jumıslarında tabıslar tiledi.

Bunnan soń, pitkeriwshiler ózleriniń  dissertaciya jumıslarınıń mazmunın prezentaciyalar arqalı ashıp berip, qánigelik jumısı boyınsha ámelge asırılǵan jumısları, dissertaciya jumısınıń mazmunı, maqseti, jańalıǵı, esap kitapları, diplom joybarlarınıń texnika-ekonomikalıq kórsetkishleri, tájiriybe sınaw nátiyjelerinen kelip shıǵıp usınısların berip, qorǵaw jumısları joqarı dárejede ótti.