Usı jıldıń 26-iyun kúni Ózbekstan Respublikası Prezidenti Administraсiyasınıń 2023-jil 7-fevraldaǵı 02-PA 1/1-254-san tapsırmasınıń 33-bandinde student-jaslardıń injenerlik-texnologiyaları tarawlarına baylanıslı ideya hám baslamaların júzege shıǵarıwǵa qaratılǵan “Teknofest” tańlawın shólkemlestiriw boyınsha belgilengen tapsırmasınıń orınlanıwın támiyinlew maqsetinde Turin politexnika universitetinde “Teknofest” tańlawınıń juwmaqlawshı respublikalıq basqıshı bolıp ótti.
“Teknofest” tańlawına Qaraqalpaqstan Respublikası hámde barlıq wálayatlardan 100 ge jaqın ziyrek student jaslar ózleriniń innovaciyalıq joybarları, islenbeleri menen qatnastı. Tańlaw informaciyalıq programmalar hám texnologiyalıq joybarlar boyınsha ótkerildi. Tańlawda kópshilik qatnasıwshılar qatarında universitettiń Qurılıs fakulteti dekan orınbasarı A.Purxanatdinovtıń basshılıǵında Matematika fakulteti 3-basqish studenti Qogambayev Asadbek Janibek ulı, Arxitektura fakulteti 3-basqısh studenti Piyshenbayev Qarjawbay Baxitbay ulı, Qurılıs fakulteti 3-basqısh studenti Jenisov Bawırjan Qayratovichler ózleriniń innovaciyalıq joybarları menen Komissiya aǵzalarında ayrıqsha tásir qaldırdı.
Tańlaw juwmaǵına kóre, Matematika fakulteti 3-basqısh studenti Qogambayev Asadbek Janibek ulınıń ““MASTERPRINT” – sanlı tipografiyalıq bankomat” joybarı Komissiya quramı tárepinen joqarı bahalanıp, “Teknofest” tańlawınıń juwmaqlawshı respublikalıq basqıshı eń jaqsı 10 joybarı qatarınan orın aldı hámde tańlaw jeńimpazına aylandı. Sonday-aq, A.Qogambayev Ózbekstan Respublikası Joqarı bilimlendiriw, ilim hám innovaciyalar ministrliginıń arnawlı sertifikatı hám 10 mln somlıq pul sıylıǵı menen sıylıqlandı. A.Qogambayevtı universitet jámááti atınan qolǵa kirgizgen jetiskenligi menen shın kewilden qutlıqlaymız.
