Berdaq atındaǵı Qaraqalpaq mámleketlik universiteti tárepinen 2023/2024 oqıw jılı ushın usı jıldıń 24-28-iyul kúnleri aralıǵında kásiplik (dóretiwshilik) imtixanlarınıń ótkeriliwi boyınsha arnawlı reje grafik tastıyıqlandı. Usı tiykarda búgin bakalavriattıń ayrıqsha qábilet talap etiletuǵın tálim baǵdarlarına ótkeriliwi rejelestirilgen kásiplik (dóretiwshilik) imtixanlarına tayarlıq processleri úyrenildi.

Onda Ózbekstan Respublikası Joqarı bilimlendiriw, ilim hám innovaciyalar ministrliginen kelgen wákiller R.Xudayberganov, Sh.Raxmonov, universitet jaslar máseleleri hám ruwxıy-aǵartıwshılıq isleri boyınsha prorektorı S.Alawatdinov, qarjı isleri boyınsha prorektorı A.Qudaybergenov, hám qabıllaw komissiyasınıń juwaplı xatkeri N.Embergenovlar menen birgelikte dóretiwshilik imtixanlar bolatuǵın orınlar kózden ótkerildi. 

Dáslep universitetimizdiń bas imaratında jaylasqan jarnalistika tálim baǵdarı hám ámeliy kórkem óner tálim baǵdarlarına dóretiwshilik imtixanlar ótkeriletuǵın orınlar menen tanısıp, ol jerde abiturientler ushın jaratılǵan qolaylıqlar, imtixan ótkeriletuǵın orınlar kameralar menen támiyinlengenligi, sonday-aq, ata-analar ushın  imtixan procesin onlayn rejimde baqlap barıw, kútiw orınları bir qatar kózden ótkerildi.

QMU baspasóz xızmeti.