Berdaq atındaǵı Qaraqalpaq mámleketlik universiteti tárepinen 2023/2024 oqıw jılı ushın usı jıldıń 24-28-iyul kúnleri aralıǵında kásiplik (dóretiwshilik) imtixanlarınıń ótkeriliwi boyınsha keste tastıyıqlanǵan edi. Usı kestege muwapıq búgin kásiplik (dóretiwshilik) imtixanlarınıń juwmaqlawshı kúni bolıp, bul kásiplik (dóretiwshilik) imtixanlarına jámi 15 qánigelik boyınsha 1015 abiturient hújjet tapsırǵan. Búgin erte tańnan Nókis qalası 1-sanlı sport mektebinde Dene mádeniyatı hám hayal-qızlar sportı talim baǵdarlarına, sonday-aq, fizikalıq imkaniyatı sheklengen abiturientler ushın kásiplik (dóretiwshilik) imtixanları ótkerilip, talabanlar óz qábiletlerin sınaqtan ótkermekte.

Dóretiwshilik imtixanların shólkemlestiriw procesinde ádilik hám ashıq-aydınlıqtı támiyinlewge úlken itibar qaratılǵan. Imtixan ótkeriletuǵın orınlarǵa kameralar ornatılıp, internet arqalı tuwrıdan tuwrı onlayn rejimde baqlap barıw imkaniyatı jaratılǵan. Bul óz gezeginde ata-analar hám keń jámiyetshilik wákilleriniń onlayn baqalap, barıw imkaniyatın jaratıp beredi.

Haqıyqatında da ádil hám ashıq-aydınlıq tárizde ótkerilip atırǵan imtixanlar haqıyqıy óz bilimi hám sporttaǵı joqarı sheberligi bar jaslar ushın jáne bir jaqsı imkaniyat bolıp tabıladı.

QMU Baspasóz xızmeti