Elimizde jas áwladtıń fizikalıq hám ruwxıy jaqtan salamat bolıp ósiwi, sonıń menen birge olardıń bos waqıtların mazmunlı shólkemlestiriw hám de jaslardı ǵalabalıq sportqa keńnen qamtıw boyınsha bir qatar reformalar ámelge asırılmaqta.
Xabarıńız bar usı jıldıń 20-23-iyul kúnleri Qırǵızıstan Respublikasında sporttıń «Ushu-sanda» túri boyınsha Xalıq aralıq jarıs bolıp ótken edi. Ótkerilgen jarısqa Berdaq atındaǵı Qaraqalpaq mámleketlik universiteti Dene mádeniyatı fakultetiniń 3-kurs studenti Abat Qalbaevta qatnasıp, sıylı 1-orındı iyeledi hám altın medaldı qolǵa kirgizdi. Sportshımızdı qolǵa kirgizgen jeńisleri menen qutlıqlaymız hám aldaǵı ótkeriletuǵın jarıslarda tabıslar tileymiz.
R.Óteniyazov
Dene mádeniyatı fakultetiniń jaslar menen islesiw boyınsha dekan orınbasarı
