QS (Quacquarelli Symonds) reytinginiń TOP 1000 lıǵına kirgen hám Polsha mámleketi Milliy reytingining TOP 10 lıǵınan orın alǵan Gdansk universitetiniń huquq hám basqarıw fakulteti professorı Dr hab. Edvardas Juchnevicius tárepinen ZOOM arqalı sáwbet alıp barıldı. Ushrasıwda, universitettiń xalıqaralıq birge islesiw boyınsha prorektorı T.Nurımbetov, yuridika fakulteti dekanı F.Qutlımuratov hámde xalıqaralıq birge islesiw bólimi qániygeleri qatnastı. Sáwbette professor tárepinen, tájriybe almasıw, birgeliktegi ilimiy islerdi rawajlandırıw ushın keń kólemli ilajlardı óz ishine alǵan birge islesiwdi jolǵa qoyıw usınıs etildi. Atap aytqanda, student almasıwı dástúri, oqıtıwshılar hám administrativlıq isshiler almasınıwı, Erasmus Plus dástúrinde qatnasıw, akademiyalıq ilajlar, qospa seminar hám konferenciyalar ótkeriw, aralıqtan (online) sabaqlar ótiw hám birgelikte ilimiy isler alıp barıw dodalandı. Professor Dr hab. Edvardas Juchnevicius óz sózinde, birge islesiw nátiyjesinde fakultetlerimiz, studentlerimiz hám eki táreptiń ilimiy izleniwlerde joqarı nátiyjelerge erisiwimizdi tastıyıqladı.