Jańa 2023/2024 oqıw jılınıń baslanıwı menen Berdaq atındaǵı Qaraqalpaq mámleketlik universiteti mádeniyat sarayında universitettiń professor-oqıtıwshıları qatnasında ushırasıw ótkerildi. Ushırasıwda prorektorlar fakultet dekanları, dekan orınbasarları, kafedra baslıqları hám barlıq professor-oqıtıwshıları qatnastı.
Ushırasıwda universitet rektorı A.Reymov sózge shıǵıp, Húrmetli Prezidentimizdiń tárepinen mámleketimizde bilim sapasın arttırıw, ásirese jaslarǵa zamanagóy hám sapalı bilim beriw máselesine ayırıqsha itibar qaratqanlıǵın aytıp ótti. Sonday-aq, professor-oqıtıwshılardıń shet el qánigeleri menen tájiriybe almasıwı, scopus xalıq aralıq ilimiy hám ilimiy-texnikalıq maǵlıwmatlar bazalarınan paydalanbay atırǵanlıǵı haqqında toqtalıp, bul boyınsha anıqlanǵan qáte-kemshiliklerdi qatań sınǵa aldı hám olardı saplastırıw boyınsha pikir usınısların bildirdi.
Bunnan soń, universitet úlken yurist másláhátshisi A.Baymuratov jańa redakciyadaǵı Miynet kodeksindegi ózgerisler, miynet shártnamasınıń dúziliw tártibi boyınsha maǵlıwmatlar berdi. Sonıń menen birge, ushırasıwda universitettiń xalıqaralıq birge islesiw boyınsha prorektorı T.Nurımbetov joqarı oqıw orınlarına xalıq aralıq reytingke kiriwde qoyılatuǵın talaplar hám KPI yaǵnıy “Eń tiykarǵı nátiyjelilik kórsetkishleri” aldıǵa qoyılǵan maqsetke belgilengen waqıt ishinde qanday dárejede eriskenlikti kórsetip beretuǵın sistema boyınsha túsindirip ótti. Ushırasıw dawamında aldaǵı isleniwi tiyis bolǵan rejeler belgilenip alındı.
QMU baspasóz xızmeti
