Xabarıńız bar, Berdaq atındaǵı Qaraqalpaq Mámleketlik universiteti hám Rossiya federaciyasınıń Moskva qalasındaǵı Moskva mámleketlik Qurılıs universiteti (MGSU) menen 2019-jıl qospa bilimlendiriw baǵdarları jolǵa qoyılǵan edi. Usı tiykarda universitetimizdiń «Qurılıs materialları hám buyımların islep shıǵarıw texnologiyası» boyınsha magistratura qánigeligin tamamlaǵan pitkeriwshilerge qos diplomların saltanatlı túrde tapsırıldı.
Onda universitetimiz xalıqaralıq birge islesiw boyınsha prorektorı T.Nurımbetov qatnasıp, búgingi kúnde universitetimizde sırt el joqarı oqıw orınları menen qospa tálimniń jolǵa qoyılıwı, bul professor-oqıtıwshılarımız, student-jaslarımızǵa tájiriybe almasıwı ushın keń múmkinshilik ekenin aytıp, pitkeriwshilerdiń aldaǵı jumıslarında tabıslar tiledi.
Maǵlıwmat ushın: Moskva Mámleketlik Qurılıs universitetin usı jılı 2 magistrantlarımız joqarıdaǵı qánigelik boyınsha hám 11 student 2 bakalavr baǵdarı boyınsha tabıslı pitirip qayttı.
