Aldın xabar bergenimizdey, universitetimizdiń baslanǵısh shólkeminiń ámelge asırılǵan jumısları hám jańa oqıw jılında jańadan baslanǵısh shólkemi jetekshisin sawlaw maqsetinde  usı jıldıń 14-sentyabr kúni Berdaq atındaǵı Qaraqalpaq mámleketlik universitetinde jaslar awqamı baslanǵısh shólkeminiń esap beriw hám saylaw májilisi bolıp ótti.

Onda Ózbekstan jaslar awqamı Oraylıq Keńesi Baslanǵısh shólkemler iskerligin muwapıqlastırıw bólimi baslıǵı A.Yangiyev, Jaslar awqamı Qaraqalpaqstan Republikalıq Keńesi baslıǵı M.Kamalov, universitetimizdiń jaslar máseleleri hám ruwxıy-aǵartıwshılıq isleri boyınsha prorektorı S.Alauatdinov, barlıq fakultet jetekshileri hám topar jetekshilerinen dúzilgen delegatlar qatnastı. Dáslep universitetimizdiń jaslar máseleleri hám ruwxıy-aǵartıwshılıq isleri boyınsha prorektorı S.Alauatdinov, sózge shıǵıp, búgingi kúnde universitetimizdiń baslanǵısh shólkem tárepinen ámelge asırılıp atırılǵan ilajlar haqqında óz unamlı pikirlerin bildirip, talabanlarǵa áwmet tiledi.

Kún tártibindegi birinshi másele boyınsha baslanǵısh shólkemi tárepinen 2022-2023 oqıw jılı dawamında ámelge asırılǵan jumısları boyınsha D.Abadanov maǵlıwmat berip ótti. Kún tártibindegi tiykarǵı másele bolǵan Universitet adminstraciyası hám Jaslar awqamınıń joqarı organı menen birge baslanǵısh shólkemi jetekshisine usınılǵan 3 talaban dawısqa qoyılıp, universitetimiz jaslar jetekshisi lawazımına Abadanov Dawranbek Japbarbergenovich saylandı. Bunnan soń, D.Abadanov sózge shıǵıp, jáne bir márte isenim bildirgeni ushın bárshege óz minnetdarshılıǵın bildirdi.

QMU baspasóz xızmeti