Studentler qashan «Studentler úyi – óz úyim» deydi? Eger bul jerde olardıń oqıwı hám jasawı ushın kerekli sharayatlar jaratılıp berilgen bolsa… 
Qaraqalpaq mámleketlik universitetiniń studentler úyinde de studentlerdiń emin-erkin tálim alıwı hám jasawı ushın zárúr bolǵan barlıq qolaylılıqlar jaratıp berilgen, desek asıra aytqan bolmaymız. Usı jıldıń 14-sentyabr kúni universitettiń №4-5-studentler úyinde turatuǵın Tariyx fakultetiniń student qızları menen ushırasıw bolıp ótti. Ushırasıwda fakultet dekanı, tariyx ilimleriniń doktorı S.Sulaymanov shıǵıp sóylep, ol óz sózinde bul jerde jaratılǵan sharayatlar hám imkaniyatlar haqqında ayta kelip, studentlerdiń bul imkaniyatlardan únemli paydalanıw kerekligi, bos waqıtların mazmunlı ótkeriwi hám bul jerdiń ózine jarasa tártip-qaǵıydalarına da ámel etiwi zárúrligin túsindirip ótti.
Bunnan soń student qızlar da ózleriniń pikir-usınısların bildirdi. Ushırasıwǵa fakultet dekanınıń orınbasarları M.Sultaniyazov, Q.Najimov hám fakultet tyutorları qatnastı.
… Haqıyqatında da, bul dárgaydaǵı kitapxana, tigiwshilik xanaları, basqa da túrli dógerekler kimniń bolsa da háwesin keltirip, bilim alıwǵa degen qushtarlıǵın arttırarı sózsiz.

Baxıtgúl Esemuratova,
Qaraqalpaq mámleketlik universiteti
Tariyx fakultetiniń tyutorı