Fizika fakultetinde student-jaslarıdıń tálim-tárbiyası boyınsha ata-analar menen birge islesiwdi jáne de jaqsılaw, olar menen úzliksiz baylanıstı támiyinlew maqsetinde jańa oqıw jılında ata-analar menen ushırasıw bolıp ótti. Ushırasıwda Fizika fakulteti dekanı A.Muratov ata-analardı perzentleriniń jańa oqıw jılı menen qutlıqlap, fakultet turmısı, házirgi waqıtta student-jaslarǵa berilip atırǵan imkaniyatlar haqqında aytıp ótti. Sonday-aq, mámleketimiz tárepinen bilimlendiriw sistemasına qaratılıp atırǵan itibar, jaratılıp atırǵan shárt-sharayatlar hám búgingi kúnde student-jaslardıń sociallıq tarmaqlardan aqılǵa muwapıq paydalanıw kerekligin mısallar menen kórsetip ótti. Bunnan soń, oqıw isleri boyınsha dekan orınbasarı M.Mamutov ata-analarǵa óziniń tayarlap kelgen Kredit modul sisteması atamasında prezentaciyasın túsindirip berdi. Jaslar menen birge islesiw boyınsha dekan orınbasarı A.Yuldashev ata-analarǵa perzentleriniń tárbiyası haqqında birge islesiwdi sorap qaldı. Ushırasıw sońında joqarǵı kurs studentleriniń 2022-2023-oqıw jılı dawamında óziniń jetiskenlikleri menen kózge túsip kiyatırǵan studentlerdiń ata-analarına minnetdarshılıq bildirip, sawǵalar tapsırıldı.