ÓZBEKSTAN RESPUBLIKASÍ JOQARÍ BILIMLENDIRIW, ILIM HÁM INNOVACIYALAR MINISTRLIGI BERDAQ ATÍNDAǴÍ QARAQALPAQ MÁMLEKETLIK UNIVERSITETI XABARLANDÍRÍW XATÍ
Ózbekstan Respublikası Ministrler Kabinetiniń 2023-jıl 25-avgusttaǵı 4/17-20-04/842-sanlı biyliginde kórsetilgen wazıypalardıń orınlanıwın támiyinlew maqsetinde Berdaq atındaǵı Qaraqalpaq mámleketlik universitetinde 2023-jıl 10-noyabr kúni “Házirgi qaraqalpaq filologiyasınıń áhmiyetli máseleleri” atamasında respublikalıq ilimiy-teoriyalıq konferenciya ótkeriledi.
Konferenciya jumısınıń tiykarǵı baǵdarları:
– til bilimi;
– ádebiyattanıw;
– jurnalistika.
Konferenciyaǵa respublikamızdıń bilimlendiriw tarawı hám ǵalaba xabar quralları xızmetkerleri, ilimpazlar, doktorantlar, izleniwshiler, magistrantlar, studentler, sondayaq, shet elli ilim-bilimlendiriw tarawı wákilleri hám basqa da qızıǵıwshılar qatnasıwı múmkin. Konferenciya sheńberinde filologiya ilimleriniń doktorı Nurjanov Perdebay Erjanovichtiń 60 jıllıq yubileyin ótkeriw jobalastırılǵan.
Konferenciyada qatnasıw shártleri:
Konferenciyada qatnasıw ushın sekciya atın kórsetip, maqala tekstin tómendegi talaplarǵa muwapıq tayarlap, allamuratovg@mail.ru elektron mánziline 2023-jıldıń
1-oktyabrine shekem jiberiw kerek.
Konferenciya materialların ilimiy maqalalar toplamı túrinde baspadan shıǵarıw názerde tutılǵan.
ILIMIY MAQALALARǴA QOYÍLATUǴÍN TALAPLAR:
Materiallar qaraqalpaq, ózbek, rus tillerinde usınılıwı múmkin;
Maqalanıń kólemi 5 betten aspawı kerek; avtor tuwralı maǵlıwmatlar hám electron mánzili kórsetiliwi tiyis;
Hújjet formatı – Microsoft Word; shrift Times New Roman, kegl 14, qatar arası 1,5, enine teńlenedi, barlıq tárepinen 2 sm den orın qaldırıladı; abzaс sheginisi 1,25, ótkermesiz;
Ádebiyatlarǵa siltemeler tekst ishinde kvadrat qawıslarda beriledi [7:88], ádebiyatlar dizimi tekst sońında álipbe tártibinde beriledi (kegl 12, qatar arası 1); Shólkemlestiriw komiteti maqalalardı saralaw hám redaktorlaw huqıqına iye. Maqaladaǵı keltirilgen faktler hám pikirler ushın avtordıń ózi juwapker.
Shólkemlestiriw komitetiniń mánzili: Ózbekstan, Qaraqalpaqstan, Nókis qalası, Ch.Abdirov kóshesi 1-jay. Qaraqalpaq ádebiyatı kafedrası.
Juwapkerler: Telefon:
Qonısbay Yusupov (91) 302-64-02 (tеlеgrаm)
Sharapatdin Xojanov (97) 508-66-90 (tеlеgrаm)
Ǵayrat Allamuratov (99) 562-28-70 (tеlеgrаm)
Jańabay Marziyaev (93) 486-05-03 (tеlеgrаm)
