2023-jıl 20-sentyabr kúni Tariyx fakultetindegi akademik S.Kamalov oqıw auditoriyasında náwbettegi ilimiy seminar ótkerildi. Onda “Ózbekstan hám Qaraqalpaqstan tariyxı” kafedrası docenti, t.i.k., Seytimbetov Mıńsızbay Qazaxbaevichtiń 07.00.01 – Ózbekstan tariyxı qánigeligi boyınsha DSc dárejesin alıw ushın jazılǵan «Qubla Aral aymaǵında temir jollar qurılısı tariyxı» (XIX ásirdiń ekinshi yarımınan XXI ásir basına shekem) atamasındaǵı dissertaciya jumısı fakultet kafedraları qospa májlisinde kórip shıǵıldı. Ilimiy seminardı Tariyx fakulteti dekanı, t.i.d (DSc), docent S.Sulaymanov ashıp berdi hám basqarıp bardı. Seminarda t.i.d, professor B.Kochanov, t.i.d, professor R.Balliyeva, Ózbekstan Ilimler Akademiyası Qaraqalpaq gumanitar ilim-izertlew institutınan t.i.d (DSc) S.Nurjanov, t.i.k, docent J.Aytmuratov, “Ózbekstan hám Qaraqalpaqstan tariyxı” kafedrası baslıǵı, docent I.Yelmuratov hám fakultet kafedraları professor-oqıtıwshıları, doktorantlar qatnastı.
Seminarda docent M.Seytimbetov óz doktorlıq dissertaciya jumısında temir jol transportınıń elimizdiń sociallıq-ekonomikalıq turmısındaǵı áhmiyeti, izertlew jumısınıń úyreniliw tariyxı, qoyılǵan maqset hám wazıypalar, kútilip atırǵan nátiyjeler, dissertaciyanıń jańalıǵı haqqında keń túrde maǵlıwmat berdi. Ilimiy seminar qızǵın pikir almasıwlarǵa bay tárizde ótkerildi. Seminar qatnasıwshıları da dissertaciya jumısı hám onıń áhmiyeti boyınsha ózleriniń bahalı pikir hám usınısların bildirip ótti.
