Joqarı bilimlendiriw, ilim hám innovaciyalar ministriniń buyrıǵına tiykar 1-oktyabr – Muǵallimler hám ustazlar kúni múnásibeti menen joqarı bilimlendiriw tarawında jumıs alıp barıp, jas áwladtıń sapalı bilim alıwında óziniń pidayı miynetleri menen úlgi bolıp kiyatırǵan, tarawdıń rawajlanıwı ushın óziniń múnásip úlesin qosıp atırǵan bir topar taraw pidayıları «Joqarı bilimlendiriw aǵlası» kókirek belgisi menen sıylıqlandı.

Olar arasında Qaraqalpaq mámleketlik universitetiniń bir qatar professor-oqıtıwshıları;

Ayapov Salamat – Kórkem óner kafedrası baslıǵı;

Balliyeva Ruza – Tábiyiy geografiya hám gidrometeorologiya kafedrası professorı;

Berdimuratova Alima – Sociallıq pánler kafedrası baslıǵı;

Kamalova Xatira – Sociallıq pánler kafedrası docenti;

Mambetnazarov Bisenbay – Ekologiya hám topıraqtanıw kafedrası professorı;

Matchanov Azat – Ulıwma biologiya hám fiziologiya kafedrası baslıǵı;

Tleumuratov Genjemurat – Inglis til bilimi kafedrası docenti;

Xodjaeva Gulya – Ekonomikalıq hám sociallıq goegrafiya  kafedrası baslıǵı;

Nazarbayev Orinbay – Ekonomika kafedrası professorı w.a. 

Turmanov Imamatdin – Sanaat texnologiyası kafedrası docenti«Joqarı bilimlendiriw aǵlası» kókirek belgisi menen sıylıqlandı.

Maǵlıwmat ornında atap ótiw kerek, usı kókirek belgisi menen sıylıqlanǵanlardıń hár biri bazalıq esaplaw muǵdarınıń tórt esesi muǵdarında qarjılay sıylıqlanadı.

Bizde óz gezeginde Berdaq atındaǵı Qaraqalpaq mámleketlik universiteti jámááti sıylıqlanǵan professor-oqıtıwshılardı jetiskenligi menen qutlıqlap, aldaǵı jumıslarında tabıslar tileymiz.