Berdaq atındaǵı Qaraqalpaq mámleketlik universiteti Shet tiller fakulteti, nemis tili hám ádebiyatı kafedrasınıń SES (Senior Experten Service) shólkemi menen dúzilgen shártnamasına tiykar Germaniyanıń, Miunchen qalasınan Dr.Renate Burner-Kotzman búgin universitetimizge keldi. Ol nemis tili hám ádebıyatı kafedrası oqıtıwshıları hám studentleri menen 1 ay dawamında óz tájribelerin, bilimlerin bólisedi. Dr.Renate Burner-Kotzman dáslep universitetimiz Xalıq aralıq birge islesiw boyınsha prorektorı T.Nurımbetov hám Shet tiller fakulteti dekanı Dj. Kurbanbaev, Nemis tili hám ádebiyatı kafedrası baslıǵı D.Berdimuratovlar menen ushrastı. Onnan keyin ol tyutor Farxadova Ayzada basshılıǵında 1-kurs studentleri tárepinen “Xalıqlar doslıǵı” hám 1-oktyabr «1-oktyabr – Muǵallimler hám ustazlar» kúni múnasebeti menen tayarlanǵan konsert ilajında qatnastı. Ilaj dawamında Dr.Renate Burner-Kotzman sózge shıǵıp xalqımız júda miymandos hám ashıq kewil ekenligin hám 1 ay dawamında ilimiy materiallar tayarlawda hám til bilimin asırıwda járdemge tayın ekenligin aytıp ótti.
