Berdaq atındaǵı Qaraqalpaq mámleketlik universiteti student-jaslarınıń ilimiy hám innovaciyalıq iskerligin qollap-quwatlaw, olardıń perspektivalı ideya hám joybarların anıqlaw maqsetinde “TOP 10 Innovator” tańlawı ótkeriledi.

Tańlawda universitettiń magistratura qánigelikleri hám bakalavriat tálim baǵdarlarında oqıp atırǵan barlıq student-jaslar ózleriniń innovaciyalıq ideya hám joybarları menen qatnasıwı múmkin.

Tańlaw shártleri tómendegilerden ibarat:
– ideya yamasa joybarlardıń ilimiy hám innovaciyalıq jańalıǵı;
– plagiatqa jol qoyılmaǵanlıǵı;
– ideya yamasa joybardıń anıq bir mashqalanıń sheshimine baǵdarlanǵanlıǵı;
– joybar prezentaciyasınıń sapalı tayarlanǵanlıǵı hám mazmunın jarıtıp beriwi;
– ideya yamasa joybardı qarjılandırıw boyınsha esaplawlardıń durıs alıp barılǵanlıǵı.

Joybarda qatnasıw ushın studentler ózleriniń innovaciyalıq ideya hám joybarları boyınsha hújjetlerin 2023-jıldıń 30-oktyabr sánesine shekem universitettiń Innovaciyalıq ideya hám islenbelerdi kommercializaciyalastırıw bólimine tapsırıwı talap etiledi.

☎️ Maǵlıwmat ushın telefonlar:
+99890 653 74 91
+99893 614 26 76