Berdaq atındaǵı Qaraqalpaq mámleketlik universiteti kishi májilisler zalında ÓzLiDeP Qaraqalpaqstan Respublikalıq Keńesi Siyasiy tálim hám deputatlıq toparlar menen islesiw bólimi tárepinen «Deputat, isbilermen hám jaslar» atamasında  ushırasıw bolıp ótti. Onda partiyanıń Qaraqalpaqstan Respublikalıq Keńesi bólim baslıǵı K.Xudaybergenova, Nókis qalalıq Keńesi deputatı M.Qasimov, jas isbilermen Sh.Niyazımbetov, universitet jámááti, student jaslar hám ǵalaba xabar quralları wákilleri qatnastı.

Ushırasıwda tiykarınan Prezidentimiz tárepinen qabıl etilip atırǵan qarar hám pármanlar, «Ózbekstan – 2030» strategiyasınıń mazmun-mánisin keń jámiyetshilikke ásirese jaslar arasında úgit-násiyatlaw, jaslardı kásipke hám isbilermenlikke keńirek tartıw, búgingi kúnde elimizde jaslarǵa hár bir tarawda qolay sharayatlar jaratılıp atırǵanlıǵı hám imkaniyatlar esigi ashıq ekenligi boyınsha máseleler sóz etildi.

Sonday-aq, Jańa Ózbekstandı qurıwda jaslardıń ornı, olardıń huqıqıy bilimlerin jánede asırıw, zamanagóy pikirley alatuǵın bilimli, jámiyette múnásip orın iyelewine umtılıwshań bárkamal áwladtı tayarlaw, olardıń huqıqıy mádeniyatın qáliplestiriw boyınsha maǵlıwmatlar berip ótti. Isbilermenlikke qızıǵıwshı jaslarımız ushın jas isbilermen Sh.Niyazımbetov óz tájiriybesinen kelip shıǵıp, bul kásipti tańlawda kóbirek nelerge itibar qaratıw kerekligi, ózine jarasa mashaqatı hám jetiskenlikleri boyınsha jaslarǵa motivaciya berdi. Ushırasıw dawamında student jaslar ózlerin qızıqtırǵan sorawlarına taraw qánigelerinen tolıq juwaplar aldı.

Zulfiya Seytbekova

Dene mádeniyatı fakulteti Hayal-qızlar sportı 2-kurs studenti