Kórkem óner fakulteti Pedagogika hám Psixologiya kafedrası docentiı Psixologiya ilimlerı boyınsha PhD Sagindikova Nargiza Jubatkanovnanıń 19.00.05- Social psixologiya, etnopsixologiya qanigeligi psixologiya ilimlerı boyınsha «Bolajaq oqıtıwshı shaxsınıń gender juwapkershiligin rawajlandırıwdıń social-psixologik sharayatları» atamasındaǵı doktorlıq dıssertaciya jumısı fakultet kafedraları qospa májilisınde kórip shıǵıldı. Májilisti fakultet dekanı docent H.Ótegenov ashtı hám alıp bardı.
Seminar talqılawda Ózbekstan Milliy universiteti professorları «Psixologiya» kafedrası professorı, psixologiya ilimleri doktorı Nurıddin Safaev, psixologiya ilimleri doktorı., professor Dilbar Muxamedova, “Alfraganus university” universitetinen psixologiya ilimleri doktorı, professor Uktam Shamsiev, Shańaraq hám hayal-qızlar ilimiy izertlew institutı docenti, psixologiya ilimleri doktorı Hasanboy Abdusamatov, «Psixologiya» kafedrası docenti psixologiya ilimleri boyınsha PhD Indira Raximova, «Psixologiya» kafedrası docent, psixologiya ilimleri boyınsha PhD Gulnora Ziyavitdinova, Qaraqalpaq mámleketlik universiteti jaslar menen islesiw boyınsha prorektor pedagogika ilimleri boyınsha PhD, docent S.Alawatdinovlar ZOOM arqalı qatnastı.
Sonday-aq, seminarda filosofiya ilimleri doktorı professor A.Berdimuratova, Nókis mámleketlik pedagogikalıq instituti pedagogika ilimleri doktori, professor T.Utebaev, Qaraqalpaqstan Respublikası pedagoglardı jańa metodikalarǵa úyretiw Milliy orayı “Pedagogika, psixologiya hám tálim texnologiyaları metodikası” kafedrası baslıǵı psixologiya ilimleri doktorı, docent M.A.Utepbergenov hám pedagogika hám psixologiya kafedrası baslıǵı A.Matjanov, májlis xatkeri pedagogika ilimleri boyınsha PhD docent, J.Asamatdinova hám kafedra professor-oqıtıwshıları, doktorantlar qatnastı.
Seminarda docent N.Sagindikova óz doktorlıq dissertaciya jumısında bolajaq oqıtıwshı shaxstıń gender juwapkershiligin rawajlandırıwdıń social-psixologik sharayatlarınıń turmıstaǵı áhmiyeti, izertlew jumısınıń úyreniliw darejesi, qoyılǵan maqset hám wazıypalar, kútilip atırǵan nátiyjeler, dissertaciyanıń jańalıǵı haqqında keń túrde maǵlıwmat berdi. Ilimiy seminar qızǵın pikir almasıwlarǵa bay tárizde ótkerildi. Seminar qatnasıwshıları da dissertaciya jumısı hám onıń áhmiyeti boyınsha ózleriniń bahalı pikir hám usınısların bildirip ótti.
