Matematika hám Fizika fakutetinde «Nuranıy hám jaslar»atamasında ushırasıw bolıp ótti. Ushırasıwǵa Qaraqalpaqstan Respublikası Veteranlar keńesi baslıǵı P.Ergunosov, Arqa-batıs áskeriy okrugi veteranlar keńesi baslıǵı A.Yusupov, Nókis qalası veteranlar keńesi baslıǵı D.Allamuratov, Awǵanstan urısı veteranı O.Tóreniyazovlar qatnastı. Ushırasıw dawamında veteranlar ózleriniń basıp ótken jolları hám ómiri haqqında aytıp ótti. Bilimlendiriw ornı ruwxıylıq oshaǵı bolıp esaplanadı. Sonlıqtanda jaslardı watan súyiwshilik ruwxında tárbiyalaw jası úlkenlerdiń ómir jolın jaslarǵa úlgi etiw maqsetinde nuranıyler student-jasları menen sáwbetlesiwler alıp bardı. Sáwbetlesiw barısında áskeriy tarawda bir ómir xızmet etken veteranlarımız ózleriniń elimiz rawajlanıwı ushın islegen miynetleri hám ómir jolları haqqında jaslarǵa aytıp berdi.

Búgingi abadan turmısımızda watanımızdıń tınıshlıǵı milliy qádiriyatlarımız bolǵan bir birewge húrmet, sadıqlıq hám mártlik sıyaqlı ullı pazıyletlerdi jas áwlad qálbine sińdiriwde usınday nuranıylerdiń xızmetleri joqarı. Olardın hár biriniń ómir jolın jaslar ushın úlgi mektebi etsek arzıydı.Búgin jaslar tárbiyası olardıń hár tárepleme kámil insan bolıp qáliplesiwine mámleketlik dárejede itibar qaratılǵan. Usı múmkinshilikten paydalanıp jańa Ózbekstandı qurıwda jaslarda ózlerine múnásip úles qosıwı zárur. Ushırasıwda sudentler ózleri qızıqtırǵan sorawlarǵa juwaplar aldı.