Xabarıńız bar, “InnoWeek – 2023” xalıqaralıq innovaciyalıq ideyalar hápteligi sheńberinde búgin Berdaq atındaǵı Qaraqalpaq mámleketlik universiteti jámááti Moynaq rayınında boldı. Ol jerde universitettiń belsendi studentler tárepinen rayon jasları ushın koncert baǵdarlaması shólkemlestirildi.
Dáslep, Moynaq rayonı mádeniyat sarayında rayon jasları ushın shólkemlestirilgen koncert baǵdarlamasında universitetimizdiń jaslar máseleleri hám ruwxıy-aǵartıwshılıq isleri boyınsha prorektorı S.Alauatdinov sózge shıǵıp, búgingi kúnde Húrmetli Prezidentimizdiń jaslarǵa qaratıp atırǵan itibarı, ásirese oqıp bilim alaman degen jaslarǵa mámleketimiz tárepinen keń múmkinshiliklerdiń jaratılıp berilgenligin aytıp ótti.
Bunnan soń, universitettiń Kórkem óner fakulteti studentleri, «Húrliman» xalıq ansambli hám «Jayxun» komandası aǵzaları tárepinen koncert baǵdarlaması shólkemlestirildi.
Sonday-aq, kúnniń ekinshi yarımında student-jaslar Kemeler qábiristanı ashıq aspan astındaǵı múzeyinde hám Aral teńizi tariyxı muzeyinde bolıp, ol jerdegi bay tariyxıy miyraslar, Aral teńizi menen baylanıslı eksponantlar menen keńnen tanıstı.
QMU Baspasóz xızmeti
