Qaraqalpaq filologiyası hám jurnalistika fakultetinde «Qábiletli qızlar – elimiz maqtanıshı» atamasında fakultettegi eń belsendi, ziyrek, talantlı, ónerli hám qábiletli student qızlar menen ushırasıw, keshesi bolıp ótti.

Keshede universitet hayal-qızlar máseleleri boyınsha rektor másláhátshisi I.Seytnazarova, fakultet hayal-qızlar máseleleri boyınsha dekan másláhátshisi A.Qazaqbaeva, fakultet tyutorları D.Allanazarova hám G.Abdullaeva, fakultettiń student qızları qatnastı.

Ushırasıw barısında I.Seytnazarova sózge shıǵıp, universitetimizde talantlı, qábiletli qızlarımızdıń kóp ekenligin, búgingi ilajǵa mine usınday qızlarımızdıń qatnasıp otırǵanlıǵın aytıp, kesheni ashıp berdi. Sózge shıqqan student qızlar 4-kurs studenti M.Abdimova, N.Rambergenova, A.Sagatdinovalar student bolıp oqıwǵa kirmesten aldın hám kirgennen keyingi erisken jetiskenlikleri, ustazlarınıń jol-jobaları, másláhátleri, qollap-qawatlawları, sonıń menen birge, sol waqıttaǵı ózine jarasa qıyınshılıqları haqqında aytıp, endi oqıwǵa kirgen jas student qızlarǵa ózleriniń másláhátlerin berdi. Ushırasıw keshesi saz-sáwbetler menen mazmunlı ótti.