Berdaq atındaǵı Qaraqalpaq mámleketlik universiteti Matematika fakulteti 4-kurs ámeliy matematika qánigeligi studentleri teoriyalıq bilimlerin bekkemlew hám tájiriybelerin jetilistiriw ushın qalalıq hám rayonlıq mekteplerge pedagogikalıq ámeliyatına jiberildi. Ámeliyat-oqıw processiniń ajıralmas bólegi bolıp, universitette studentler tárepinen alınǵan bilimlerin bekkemlew hám kónlikpe payda etiw maqsetinde pedagogikalıq texnologiya usılların úyreniw imkaniyatın beredi.

Usı jıldıń 6-sentyabr kúninen baslap Ámeliy matematika qánigeligi 4-basqısh studentleri Nókis qalası xalıq bilimlendiriw bólimine qaraslı 17-mektep hám rayonlıq ulıwma orta bilim beriw mekteplerinde, Qaraqalpaq mámleketlik universiteti qasındaǵı akademiyalıq liceyinde ámeliyat basshıları, J.Arzieva, A.Abdikarimova, G.Qalimbetova hám A.Allaniyazova menen birgelikte pedagogikalıq ámeliyatın ótemekte.

Hazirgi waqɪtta studentler mektep oqıwshılarına óz bilim hám kónlikpelerin qollanǵan halda jańa interaktiv metodlardan paydalanıp óz betinshe sabaqlardı nátiyjeli alıp barmaqta. Bul processte studentler ózlerine júkletilgen wazıypalar sheńberinde erkin maǵlıwmat tańlawları hám alǵan bilimlerin ámelde qollanıwı múmkin.

Studentler sabaqtı kórgizbeli qurallardan, jańa pedagogikalıq texnologiyalardan paydalanıp ótpekte, sonıń menen birge tájiriybeli oqıtıwshılar sabaqlarına kirip óz bilimlerin jetilistirip analiz etpekte.

Tayarlaǵan: Matematika fakulteti

Ámeliy matematika qánigeligi studentleri

D.Maxsudova, I.Aralbaev