Usı jıldıń 17-20-oktyabr kúnleri Qazaqstan Respublikası Xoja Axmed Yassawiy atındaǵı Xalıqaralıq qazaq-túrk universitetinde «Zamanagóy túrkologiya: ilimiy paradigmaları hám pánler aralıq ózgeshelikleri» atamasındaǵı X Xalıqaralıq túrkologiya kongresi bolıp ótti.
Onda Berdaq atındaǵı Qaraqalpaq mámleketlik universiteti Túrkmen tili hám ádebiyatı kafedrasınıń baslıǵı, professor, filologiya ilimleriniń doktorı O.Gaylieva «Túrkiy xalıqlar folklortanıwında “Gorkut Ata” eposınıń úyreniliwi» atamasındaǵı bayanatı menen qatnastı.
Sonday-aq, bul kongreste Shet tiller fakulteti, Ingliz til bilimi kafedrası docenti wazıypasın atqarıwshı, f.i.f.d. R.Saparniyazovta óziniń “Qaraqalpaq folklorında “Qorkut ata haqqında ápsana”da muqaddes terek túsinigi” temasındaǵı bayanat jasadı.
Kongres Xoja Axmed Yassawiy atındaǵı Xalıqaralıq Qazaq-Túrk universiteti, Gazi universiteti, Alisher Nawayı atındaǵı Ózbek tili hám ádebiyatı universiteti, Тúrkiya Respublikasınıń Mádeniyat jáne turizm mimistrligi, Qaraqalpaq mámleketlik universiteti, Atatúrk mádeniyat menen birgelikte ótkerildi. Kongreste Qazaqstan, Тúrkiya, Azerbayjan, Ózbekstan, Тúrkmenistan, Bosnya jáne Gertsegovina, Iyran, Chili hám Rossiya Ferderatsiyasınan kelgen alımlardıń 162 bayanatı tıńlandı hám talqılandı.
Xoja Axmed Yassawiy atındaǵı Xalıqaralıq Qazaq-Túrk universitetinde bolıp ótken kongresste túrkologiyanıń búgingi kúndegi áhmiyetli máseleleri dodalanıp, ilimpazlar óz-ara tájiriybe almastı hám aldaǵı birgelikte ámelge asırılatuǵın jumıslar belgilep alındı.
