Xabarıńız bar, usı jıldıń 17-30-oktyabr kúnleri aralıǵında Berdaq atındaǵı Qaraqalpaq mámleketlik universitetinde sporttıń shaxmat, shashka, badminton, stol tennis, voleybol túrleri boyınsha erler hám qızlar arasında «Rektor kubogi» sport jarısları ótkerildi. Búgin usı ótkerilgen sport jarıslarında jeńimpaz bolǵan student-jaslardı sıylıqlaw máresimi bolıp ótti.

Onda universitetimiz jaslar máseleleri hám ruwxıy-aǵartıwshılıq isleri boyınsha prorektor S.Alawatdinov sózge shıǵıp, mámleketimiz tárepinen jaslar mánawiyatın joqarılatıw hám olardıń bos waqıtların mazmunlı ótkeriw boyınsha alıp barılıp atırǵan ilajlar haqqında aytıp ótti. Sonday-aq, bárshe jeńimpazlardı qolǵa kirgizgen tabısları menen qızǵın qutlıqlap, jeńimpaz komandalarǵa kubok, diplom hám estelik sawǵaların tapsırdı.

Jarıs nátiyjeri;

Shaxmat sport túri boyınsha qızlar arasında 1-orındı Qaraqalpaq filologiyası, 2-orındı dene mádeniyatı, 3-orındı Shımbay fakulteti studentleri iyeledi.

Er balalar arasında shaxmat boyınsha ótkerilgen jarısta bolsa 1-orındı Yuridika fakulteti, 2-orındı Matematika, 3-orındı Qurılıs fakulteti studenti iyeledi.

Shashka sport túri boyınsha qızlar arasında ótkerilgen jarısta  1-orındı Sanaat texnologiyası, 2-orındı Dene mádeniyatı, 3-orındı Ózbek filologiyasi fakulteti studentleri iyeledi.

Er balalar arasında shashka boyınsha ótkerilgen jarısta bolsa 1-orındı Ximiya texnologiya, 2-orındı Matematika, 3-orındı Geografiya fakulteti studenti iyeledi.

Badminton sport túri boyınsha qızlar arasında ótkerilgen jarısta  1-orındı Biologiya, 2-orındı Qaraqalpaq filologiyasi, 3-orındı Qaraqalpaq filologiyasi fakulteti studentleri iyeledi.

Badminton sport túri boyınsha erler arasında ótkerilgen jarısta  1-orındı Dene mádeniyatı, 2-orındı Qurılıs, 3-orındı da Qurılıs fakulteti studentleri iyeledi.

Al stol tennisi boyınsha qızlar arasında ótkerilgen jarısta 1-orındı Shet tilleri, 2-orındı Ekonomika, 3-orındı Qaraqalpaq filologiyası fakulteti studentleri iyeledi.

Sonday-aq, stol tennisi boyınsha erler arasında ótkerilgen jarısta 1-orındı Fizika, 2-orındı Ekonomika, 3-orındı Geografiya hám tábiyiy resurslar fakulteti studentleri iyeledi.

Voleybol boyınsha qızlar arasında ótkerilgen jarısta 1-orındı Arxitektura, 2-orındı Fizika, 3-orındı Tariyx fakulteti studentleri iyeledi.

Erler arasında bul sport túri boyınsha 1-orındı Arxitektura, 2-orındı tariyx, 3-orındı Qaraqalpaq filologiyasi fakulteti studentleri iyeledi.

Jeńimpazlar shólkemlestiriwshiler tárepinen diplom hám estelik sawǵaları menen xoshametlendi.