Usı jıldıń 1-noyabr sánesinde Sanaat texnologiyası fakultetide «Náshebentlik ómir zawalı» atamasında taraw qánigeleri menen ushırısw ótkerildi. Ushırasıwǵa fakultet jaslar menen islesiw boyınsha dekan orınbasarı Sh.Musirov, Qaraqalpaqstan Respublikası narkologiya dispanseri shıpakeri Ulıǵbek Eshmuratov, fakultet tyutorları hám student-jaslar qatnastı.

Ushırasıwdı dekan orınbasarı Sh.Musirov ashıp berdi hám ol óz sózinde náshebentlik zatlar haqqında olardıń keri tásirleri boyınsha student-jaslarǵa ulıwma maǵlıwmat aytıp ótti. Bunnan soń, Qaraqalpaqstan Respublikası narkologiya dispanseri shıpakeri U.Eshmuratov sózge shıǵıp náshebentlik degende student jaslarda qanday túsinik bar ekenligi náshebentlik ónimleriniń túrleri olarǵa insanlardıń qalayınsha úyrenip, qalatuǵınlıǵın aytıp ótti. Kesellikte óz waqtında emlenbese insan organizimi isten toqtaytıǵınlıǵın keńnen túsindirip berdi.

Qaraqalpaqstan Respublikası narkologiya dispanserinde emlewdiń ononim usılı, dárilik ónimlerge bolǵan qaramlıqtın payda bolıwı haqqında, sonday-aq, óziniń is tájiriybesinde ushırasqan nawqaslıqlar menen baylanıslı bolǵan mashqalalı waqıyalar haqqında mısallar keltirip kóplegen maglıwmatlar berip ótti. Ilajda student-jaslar ózlerin qızıqtırǵan sorawlarına tiyisli juwaplar aldı.

Sanaat texnologiyası fakulteti tyutorı B.Ibadullaev