Usı jıldıń 13-noyabr kúni Berdaq atındaǵı Qaraqalpaq mámleketlik universitetinde Qaraqalpaqstan Respublikası prokuraturası baslaması menen joqarı oqıw orınları student-jasları arasında sporttıń mini futbol, shaxmat túrlerinen «Prokuror kubogi» sport jarıslarınıń ashılıw máresimi bolıp ótti.

Onda Qaraqalpaqstan Respublikası prokurorınıń orınbasarı E.Qayıpbergenov, Joqarı bilimlendiriw, ilim hám innovaciyalar ministrliginiń Qaraqalpaqstan Respublikası aymaqlıq basqarması sektor baslıǵı B.Qalımbetov, Jaslar máseleleri hám ruwxıy-aǵartıwshılıq isleri boyınsha prorektorı S.Alawatdinov hám joqarı oqıw orınlarınan juwapkerler, student-jaslar qatnastı.

Ilajdı Qaraqalpaqstan Respublikası prokurorınıń orınbasarı E.Qayıpbergenov ashıp berdi. Ol óz sózinde Húrmetli Prezidentimizdiń sport tarawına degen joqarı itibarı, tarawdıń materiallıq-texnikalıq bazasın bekkemlew, olardı hár tárepleme qollap-quwatlawdı kúsheytiw maqsetinde alıp barılıp atırǵan reformaları, álbette, tarawdıń rawajlanıwına, ásirese student jaslarımızǵa keń múmkinshilik jaratılıp atırǵanı haqqında aytıp, barlıq jarıs qatnasıwshılarına áwmet tiledi. Bunnan soń. Berdaq atındaǵı Qaraqalpaq mámleketlik universiteti jámááti tárepinen tayarlanǵan koncert baǵdarlaması menen dawam etti.