Berdaq atındaǵı Qaraqalpaq mámleketlik universitetinde «Ata-babalar miyrası – úlgi hám tárbiya dáregi» atamasında ushırasıw keshesi hám úgit-násiyat ilajı bolıp ótti. Onda Ózbekstan Respublikası Ministrler Kabineti janındaǵı Ózbekstandaǵı Islam civilizaciyası orayınıń úlken ilimiy xızmetkeri, tariyx ilimleriniń doktorı Ikromiddin Ostonaqulov, usı oraydıń jetekshi ilimiy xızmetkeri Anvar Matniyazov, Ózbekstan Respublikası Din isleri boyınsha komitetiniń Qaraqalpaqstan Respublikası aymaqlıq basqarmasınıń Nókis qalası boyınsha bas qánigesi X.Nezamatovlar universitetimiz átirapındaǵı mákan puqaralar jıyınlarınıń turǵınları, jasıúlken nuranıylar, universitet student-jasları qatnastı.

Ushırasıwda sózge shıqqanlar, Húrmetli Prezidentimiz Shavkat Mirziyoev basshılıǵında milliy úrp-ádet hám qádiriyatlarımızdı tiklew, muqaddes dinimizdi, ullı danıshpan hám oyshıllarımızdıń bay miyrasın tereń úyreniw, olardıń esteliklerin abat etiw, tariyxıy esteliklerdi qásterlep-saqlaw baǵdarında keń kólemli jumıslar ámelge asırılıp atırǵanlıǵın aytıp ótti. Ilaj usı baǵdardaǵı pikirlesiwler menen dawam etti.