Usı jıldıń 11-14-dekabr kúnleri aralıǵında Hayal professor-oqıtıwshılar hámde studentler ushın “ART-terapiya” boyınsha trening shólkemlestiriw rejelestirilgen. Art-terapiya – kórkem óner hám dóretiwshilikten paydalanıwǵa tiykarlanǵan psixoterapiya hám psixologiyalıq korrekciyanıń baǵdarlarınan biri. Sózdiń tar mánisinde art-terapiya ádetde shaxstıń psixo-emotsional jaǵdayına tásir kórsetiwge qaratılǵan vizual art terapiyanı ańlatadı.

Art-terapiyanıń tiykarǵı maqseti ózin ózi biliw, ańlaw qábiletin rawajlandırıw arqalı psixikalıq jaǵdaydı normallastırıw bolıp tabıladı. Kórkem ónerden terapevtikalıq maqsetlerde paydalanıwdıń áhmiyeti sonda, ol hár qıylı sezim-sezimlerdi: muhabbat, jerkenish, ókpeshilik, ǵázep, qáweter, quwanısh hám basqalardı sanalı ańlaw hám basqarıp úyreniw ushın isletiliwi múmkin. Art-terapiya texnikası insannıń ishki men“i mazmunı, ol reńli súwret sızǵanda yamasa aplikatsiya, músinshilik etkende vizual suwretlerinde miyinde sawlelendiredi, degen juwmaqqa tiykarlanadı, bunda psixikanıń jaǵdayı ózgeredi.

Tiykarinan bul treningte:

-Qábiletlerdi anıqlaw hám turmısta óz ornın tabıwǵa kómeklesiw ;

-Shańaraqqa tiyisli psixologiyalıq máslahát ushın ;

-Jámáátti qáliplestiriw, liderlerdi anıqlaw, sezimlerdi basqarıw, kelispewshiliklerdı sheshiw, dóretiwshilikti rawajlandırıw;

-Jeke psixokonsultaciyalar, barlıq jastaǵı shaxslardaǵı stress, úmitsizlik, túskinlik hám basqa unamsız sezimlerdi jeńiwge baǵdarlanadı;

Juwapkerler:

1)Jaslar máseleleri, ruwxıylıq-aǵartıwshılıq isleri boyınsha birinshi prorektor S.Alawatdinov,

2) Universitettiń Hayal-qızlar máseleleri boyınsha rektor másláhátshisi I.Seytnazarova,

3) Jaslar menen islesiw, ruwxıylıq hám aǵartıwshılıq bólimi baslıǵı Q.Beknazarov,

4) Jaslar awqamı baslanǵısh shólkemi jetekshisi D.Abadanov,

5) Baspa sóz xatkeri A.Abibullaev,

6) Universitet psixologı G.Reymbaeva,

7)Fakultet dekanları hám olardin Hayal-qızlar máseleleri boyınsha fakultet dekan másláhátshileri hám de tyutorlar

Mánzili:  QMU bas imarati, 1-etaj, Ruwxıylıq xanası

Múddeti:  2023-jıl, 11-dekabrden 14-dekabr kúnleri aralıǵı

Alıp baradı:  QMU psixologi Reymbaeva Gulchexra, “Jas psixologlar” dógeregi aǵzaları

Dizimge jazılıw ushın kontakt:  +99 891 386 11 17

Tiykarı: ÓZBEKSTAN RESPUBLIKASI JOQARΙ BILIMLENDIRIW, ILIM HÀM INNOVACIYALAR MINISTRLIGINIŃ 2023 – jıl «9» avgust kúngi 351-sanlı búyrıǵı, 58-bánti