Matematika fakulteti hayal-qızlar máseleleri boyınsha dekan másláhátshisi hám “Differenciallıq teńlemeler” kafedrası professor-oqıtıwshıları tárepinen universitet studentler úyinde jasawshı student-qızlardıń jasaw shárayatların úyreniw maqsetinde sáwbetlesiw ótkerildi.

Onda Matematika fakulteti hayal-qızlar máseleleri boyınsha dekan másláhátshisi Sh.Erejepova, “Differenciallıq teńlemeler” kafedrası assistenti K.Baymuratovalar hám studentler úyinde jasawshı student qızlar qatnastı.

Sáwbetlesiw barısında K.Baymuratova student qızlarǵa búgingi kúnde mámleketimizde hayal-qızlarǵa, ásirese joqarı oqıw orınlarında oqıp, bilim alıp atırǵan qızlar ushın jaratılıp atırǵan keń múmkinshilikler, shárayatlar, imkaniyatlar haqqında aytıp ótti.

Bunnan soń, Fakultet hayal-qızlar máseleleri boyınsha dekan másláhátshisi Sh.Erejepova studentler úyinde jasawshı student qızlardıń jasaw shárayatları, xanalarınıń azadalıǵı, olardıń bos waqtın mazmunlı ótkeriw ushın universitet hayal-qızlar keńesi tárepinen dúzilgen «Qızlarjan» klubı janındaǵı «Sheber qollar», «Gózzallıq sırları» dógerekleri is rejesi menen tanıstırdı.

Bunnan tısqarı hayal-qızlar arasında júz berip atırǵan jınayatshılıq, huqıqbuzarlıqlar hám olardıń aldın alıw ilajları haqqında student qızlarǵa óziniń paydalı másláhátlerin berip, student qızlarımızdıń mashqala hám pikir, usınısların tıńladı.

Matematika fakulteti assisent-oqıtıwshısı Arzieva Rano