1989-jılıdıń 1-dekabrinde Qaraqalpaq tiline mámleketlik til biyligi berilgen edi. Mine bul sánege bıyıl 34 jıl tolmaqta. Usı múnásibet penen Qaraqalpaq filologiyası hám jurnalistika fakulteti professor-oqıtıwshıları, tyutorlar hám student jaslarınıń qatnasıwında «Til-milletiń altın ǵáziynesi» atamasında ádebiy keshe ótkerildi.
Kesheni fakultet jaslar menen birge islesiw boyınsha dekan orınbasarı Z.Jumanov kiris sóz benen ashtı. Bunnan soń, bayanatshı fakultet hayal-qızlar máseleleri boyınsha dekan másláhátshisi A.Qazaqbaeva, tyutor G.Utegenova hám jurnalistika tálim baǵdarınıń 2-kurs studenti N.Qańlıbekovalar ózleriniń qaraqalpaq tiliniń payda bolıwı, til bolıp qáliplesiwi hám rawajlanıwı jolındaǵı ámelge asırılıp atırǵan máseleler boyınsha ózleriniń bayanatların keshe qatnasıwshılarına oqıp esittirdi. Ilaj dawamında fakultettiń talantlı student jasları tárepinen tayarlanǵan koncert baǵdarlaması jıynalǵanlarǵa názerine usınıldı.

Qaraqalpaq filologiyasi ham jurnalistika fakultetinin 2-kurs studenti
Muxammed Sadiqbaev