Búgin Berdaq atındaǵı Qaraqalpaq mámleketlik universitetinde «1-dekabr Qaraqalpaq tiline mámleketlik til biyligi berilgenine 34 jıl tolıwı» múnásibeti menen universitet mádeniyat sarayında «Mártebeń bálent bolsın, ana tilim!» atamasında bayram keshesi bolıp ótti.

Onda professor-oqıtıwshılar, student-jaslar qatnastı. Bayram keshesin universitet Xalıqaralıq birge islesiw boyınsha prorektorı T.Nurımbetov ashıp berdi hám bárshe ilaj qatnasıwshıların bayram menen qızǵın qutlıqladı.

Bunnan soń, «Til – jámiyet aynası», atamasında f.i.d., professor M.Qudaybergenov, «O’zbek va qoraqalpoq tillarida lingvokulturologik birliklar” boyınsha f.i.k., doc. I.Kazakovlar shıǵıp sóylep, Qaraqalpaq tiliniń rawajlanıw basqıshları,  keyingi dáwirde qaraqalpaq tili turmısında bir qansha rawajlanıwlar hám jańalıqlar haqqında sóz etti.

Sonıń menen birge, ilaj universitettiń student-jasları tárepinen 1-dekabr Qaraqalpaq tiline mámleketlik til biyligi berilgenligine 34 jıl tolıwı múnásibeti menen tayarlanǵan koncert baǵdarlaması menen dawam etti.

QMU baspasóz xızmeti