Elimizde jas áwladtıń fizikalıq hám ruwxıy jaqtan salamat bolıp ósiwi, sonıń menen birge olardıń bos waqıtların mazmunlı shólkemlestiriw hám de jaslardı ǵalabalıq sportqa keńnen qamtıw boyınsha bir qatar reformalar ámelge asırılmaqta. Xabarıńız bar, usı jıldıń 2-7-dekabr kúnleri Tashkent qalasında sporttıń grek-rim, erkin gúres hám hayal-qızlar gúresi túri boyınsha Ózbekstan chempionatı bolıp ótken edi. Ótkerilgen jarısta QMU Dene mádeniyatı fakulteti studentleri hayal-qızlar gúresi túri boyınsha Ulmeken Esenbaeva, Gulchexra Shamuratovalar sıylı 2-orındı iyelep, gúmis medaldı qolǵa kirgizgen bolsa, al Sandugash Djenbaeva, Mavlyuda Kalbaeva, Xurshida Kasimova hám Firuza Esenbaevalar sıylı 3-orındı iyeledi hám de bronza medalın qolǵa kirgizdi.
Sportshılarımızdı qolǵa kirgizgen jeńisleri menen qutlıqlaymız hám aldaǵı ótkeriletuǵın jarıslarda tabıslar tileymiz.
R.Óteniyazov
Dene mádeniyatı fakultetiniń jaslar menen islesiw boyınsha dekan orınbasarı
