Búgingi kúni elimizde bilimlendiriw tarawın rawajlandırıwǵa ayrıqsha itibar qaratılıp atırǵanı hesh kimge sır emes. Ásirese sırt el joqarı oqıw orınları menen birge islesiw Memorandumı tiykarında oqıw-metodikalıq, ilim-izertlew hám tájiriybe almasıw jumısları ámelge asırılmaqta. Usınday joqarı oqıw orınlarınıń biri Qazaqstan milliy agrar izertlew universiteti bolıp, bul universitet Qazaqstanda Top 1000 lıqa kirgen eń úlken hám kúshli 6 universitettiń biri esaplanadı. Búgingi kúni Qaraqalpaq mámleketlik universiteti menen Qazaqstan milliy agrar ilimiy izertlew universiteti arasında birge islesiw hám tájiriybe almasıw jumısları jaqsı jolǵa qoyılǵan.
Usı jıldıń 4-10 dekabr kúnleri Biologiya fakulteti professor okıtıwshıları Q.Kaipov, T.Juginisov, M.Allamuratov, X.Tursunboev, A.Xabibullaev hám J.Oteulievler Qazaqstan milliy agrar izertlew universitetinde xızmet saparında boldı. Sapardan gѳzlengen tiykarǵı maqset – Qaraqalpaq mámleketlik universitetiniń Biologiya fakulteti menen universitettiń Agrobiologiya fakulteti hám Topıraqtanıw hám agroximiya, ekologiya kafedrası tájiriybe almasıw, ilim-izertlew jumısların bekkemlew hám rawajlandırıw bolıp tabıladı.
Xızmet saparı dawamında Biologiya fakulteti professor-oqıtıwshıları dáslep Basqarma baslıǵı, prof. Aynura Qayırbaevna menen ushırastı. Ushırasıwda universitet professor-oqtıwshıları arasında labaratoriyalarda ilimiy jumıslardı rawajlandırıw boyınsha hám aldaǵı islenetuǵın jumıslar haqqında kelisip aldı.
Sapardıń ekinshi kúni professor-oqıtıwshılar Ósimliklerdi qorǵaw institutı laboratoriya jumısları menen tanıstı. Ol jerde J.Jiembaev atındaǵı Qazaq ósimlikti qorǵaw hám karantin basqarması baslıǵı professor B.Duysenbekov penen ushırastı. Ushırasıwda alıp barılıp atırǵan ilimiy jumıslar, onıń bólimleri haqqında jaqınnan tanıstı hám ilimiy-izertlew jumısları boyınsha tayarlanıp atırǵan konferenciyaǵa maqalalar berildi. Sapardıń keyingi kúni professor-oqıtıwshılar Topıraqtanıw hám agroximiya, ekologiya kafedrası ilim-izertlew laboratoriyaları hám olardıń iskerligi menen jaqınnan tanıstı.
Ametov Yakub Idrisovich
Qaraqalpaq mámleketlik universiteti
Biologiya fakulteti dekanı,
biologiya ilimleri doktorı, professor
