Social-ruwxıy-aǵartıwshılıq izertlew institutı tárepinen usı jıldıń 11-14-dekabr kúnleri aralıǵında Ózbekstan Respublikası Joqarı bilimlendiriw, ilim hám innovaciyalar ministrligine qaraslı barlıq joqarı oqıw orınlarında «ZOOM» platforması arqalı «Jańa Ózbekstan: social -dúnyalıq mámleketten aǵartıwshılıq jámiyetke qaray» atamasında ruwxıy–aǵartıwshılıq baǵdarı boyınsha 32 saatlıq oqıw seminarı shólkemlestirilmekte.

Bul oqıw seminarda universitetimiz Jaslar máseleleri hám ruwxıy–aǵartıwshılıq isleri boyınsha prorektorı S.Alawatdinov, Jaslar menen islesiw, ruwxıylıq hám aǵartıwshılıq isleri bólimi baslıǵı Q.Beknazarov, Studentlerdi turaq jay menen támiyinlew jumısların muwapıqlastırıw bólimi baslıǵı M.Shrazov, jaslar menen islesiw, ruwxıy-aǵartıwshılıq isleri boyınsha fakultet dekan orınbasarları, tyutorlar hám pedagog tárbiyashılar qatnaspaqta.

Oqıw seminarında Social -ruwxıy-aǵartıwshılıq izertlewler institutı tárepinen kásiplik iskerlikte sóylew mádeniyatı hám aratorlıq sheberliktiń ornı, búgingi dúnyanıń siyasiy ideologiyalıq kórinisi, Jaslardı watansúyiwshilik ruwxında tárbiyalawda ádebiy kitaplardıń ornı temalarında treningler alıp barmaqta.

QMU baspasóz xızmeti