Búgin 13-dekabr kúni Berdaq atındaǵı Qaraqalpaq mámleketlik universitetinde «Maǵripat maydanı» respublikalıq tańlawınıń universitet basqıshı bolıp ótti. Onda student-jaslar tárepinen ataqlı shayır hám jazıwshılardıń shıǵarmalarınıń dóreliw tariyxı, mazmunı ádebiyatımızdaǵı tutqan ornı haqqında maǵlıwmatlar beriw, soraw-juwaplar hám saxnalıq kórinis sıyaqlı shártler boyınsha óz-ara bellesti.

Tańlawdı ótkeriwden tiykarǵı maqset mámleketimizde ámelge asırılıp atırǵan keń kólemli reformalarda jaslardıń belsendiligin támiyinlew, ata-babalarımız miyrasın úyreniw, olardı ádebiyatqa bolǵan qızıǵıwshılıǵın arttırıw, talantlı jaslarǵa óz imkaniyatların júzege shıǵarıw ushın sharayat jaratıw, sonday-aq, student-jaslar arasında ataqlı shayır hám jazıwshılardıń shıǵarmaların keń túrde úgit-násiyatlaw bolıp tabıladı.

Tańlaw juwmaǵında 1-orındı Shet tilleri fakulteti «Maǵripat jaslar» komandası, 2-orın Qaraqalpaq filologiyası hám jurnalistika fakulteti «Poeziya juldızları» komandası 3-orındı Sanaat-texnologiyası fakultetiniń «Ayaziy» komandaları iyeledi.

QMU baspasóz xızmeti