Ózbekstan Respublikası Joqarı bilimlendiriw, ilim hám innovaciyalar ministrliginde usı jıldıń 15-dekabr kúni “Joqarı bilimlendiriwde Málimleme-resurs oraylarınıń ornı: tájiriybe, mashqalalar, perspektivalar, atamasında respublika ilimiy-ámeliy seminarı bolıp ótti. Onda «ZOOM» platforması arqalı Nókis qalasındaǵı barlıq joqarı oqıw orınlarınıń MRO baslıqları juwaplı xızmetkerleri qatnastı.

Seminarda sózge shıqqanlar tiykarınan Málimleme-resurs oraylarında ámelge asırılıp atırǵan jumıslar nátiyjeler hám de xalıq aralıq ilimiy maǵlıwmatlar bazalarınan paydalanıw jaǵdayı haqqında aytıp ótti. Sonday-aq, joqarı oqıw orınlarında málimleme-resurs orayların rawajlandırıw perspektivalar, kitapxana tarawındaǵı ámeldegi máseleler, dástúriy hám zamanagóy, aldıńǵı kitapxana xızmetlerin hám  innovaciyalıq rawajlanıw ushın málimleme kitapxana iskerligin reformalaw máselelerine de ayrıqsha itıbar qaratıwdı atap ótti.

Sonıń menen birge, seminarda jıynalǵanlar tájiriybelerin jetilistiriw maqsetinde óz-ara pikir alısıp, ózlerin qızıqtırǵan sorawlarına juwap aldılar. Seminar juwmaǵında tarawdıń rawajlanıwına úlken itibar qaratap atırǵan MRO basshıları, solar qatarında Berdaq atındaǵı Qaraqalpaq mámleketlik universiteti Málimleme resurs orayı direktor w.w.a. R.Kalmurzaeva Oraydıń arnawlı húrmet jarlıǵı menen sıylıqlandı.