Universitet studentleriniń pedagogikalıq ámeliyatı, oqıw procesiniń zárúrli bólegi bolıp, bul olardıń oqıtıwshı retinde kásiplik tayarlıǵın sonday-aq, universitette ustazlarınan alǵan bilimlerin bekkemlew hám onı elede keńeytiw imkaniyatın beredi. Matematika fakulteti 4-basqısh studentleri oqıw jobası tiykarında Berdaq atındaǵı QMU akademiyalıq liceyinde, Nókis qalalıq Mektepke shekemgi hám mektep bilimlendiriw bólimine qaraslı hám ózleri jasap atırǵan rayonlarınıń Mektepke shekemgi hám mektep bilimlendiriw bólimine qaraslı mekteplerde 6-sentyabrden baslap 16-dekabrge shekem pedagogikalıq ámeliyatına jiberilip ámeliyat basshıları «Differenciallıq teńlemeler» kafedrası oqıtıwshıları Ó.Kurbanbaev, J.Otarova, Sh.Erejepova, K.Baymuratova, I.Saliev hám Q.Qazaqbaevalar menen birgelikte pedagogikalıq ámeliyatın ótedi.

Studentler pedagogikalıq ámeliyat barısında teoriyalıq bilimlerin ámeliyatta qollanıp, ózleriniń kásiplik-pedagogikalıq iskerligin qáliplestirip ilimiy tájiriybe hám kónlikpelerge iye boldı. Pedagogikalıq ámeliyat juwmaǵında studentler mekteplerde hár túrdegi matematikalıq kesheler, ilajlar, intelektual jarıslar ótkerdi. 

Matematika fakulteti assisent-oqıtıwshısı Arzieva Rano