Jańa jıl bayramı múnásibeti menen «Kim vatanga sodiq bo‘lsa, mendirman o‘sha” súreni astında Dene mádeniyatı fakultetiniń 1-kurs studentleri arasında 19-dekabr kúni sporttıń kishi futbol túri boyınsha jarıs ótkerildi. Jarısqa Dene mádeniyatı fakultetiniń 1-kurs studentlerinen ibarat 6 komanda qatnastı. Jarıs qızǵın bellesiwlerge bay bolıp, jaslardıń futbolǵa bolǵan qızıǵıwshılıǵı, olardıń sport sheberlikleri sınaldı.
Jarısqa tájiriybeli sportshılar, dene mádeniyatı teoriyası hám metodikası professor-oqıtıwshıları M.Abdimuratov hám P.Qayıpnazarovlar tóreshilik etti. Jarıs tóreshiler tárepinen ádil bahalanıp, I-orındı futbol iskerligi tálim baǵdarınıń 111-topar studentleri, II-orındı futbol iskerligi tálim baǵdarınıń 113-topar studentleri, III-orındı dene mádeniyatı tálim baǵdarınıń 102-topar studentleri jeńip alıwǵa miyasar boldı.
Jarıs jeńimpazları shólkemlestiriwshiler tárepinen tayarlanǵan diplomlar hám estelik sawǵaları menen sıylıqlandı. Ótkerilgen jarıstıń studentler arasında sporttıń kishi futbol túri boyınsha jarıs ótkeriw arqalı student-jaslar arasında salamat turmıs tárizin qáliplestiriw, universitet kóleminde sporttıń kishi futbol sport túrin rawajlandırıw hám en jaydırıw, olardıń sport sheberligin asırıw, qábiletli futbolshı studentlerdi anıqlaw hám de universitetimizdiń kishi futbol boyınsha saylandı komandası quramın kóbeytiw bolıp tabıladı.
R.Óteniyazov
Dene mádeniyatı fakultetiniń
jaslar menen islesiw boyınsha dekan orınbasarı
