Búgin, 28-dekabr kúni Berdaq atındaǵı Qaraqalpaq mámleketlik universitetinde professor-oqıtıwshılar qatnasıwında Prezidentimiz tárepinen qabıl etilip atırǵan qarar hám pármanlar, «Ózbekstan– 2030» strategiyasınıń mazmun-mánisin keń jámiyetshilikke úgit-násiyatlaw boyınsha seminar bolıp ótti.

Onda universitet Yuridika fakulteti «Milliy ideya, ruwxıylıq tiykarları hám huqıq tálimi» kafedrası oqıtıwshısı J.Sagındıkov Ózbekstan Respublikası Prezidentiniń «Ózbekstan – 2030» strategiyası haqqında»ǵı Pármanı hám «Ózbekstan – 2030» strategiyasınıń mazmunı, strategiyaǵa tiykar ámelge asırılatuǵın is-ilajlar, onıń áhmiyeti haqqında maǵlıwmat berdi.

Sonıń menen birge, Seminarda Prezidentimizdiń basshılıǵında búgingi kúnde Qaraqalpaqstan Respublikasın hár tárepleme rawajlandırıw baǵdarında ámelge asırılıp atırǵan jumıslar, milletler aralıq tatıwlıqtı bekkemlew, milliy úrp-ádetler, dástúrlerdi saqlaw, mámleketimizde jasawshı millet wákilleriniń óz ara doslıq múnásibetlerin jáne de bekkemlew maqsetinde alıp barılıp atırǵan jumıslarǵa toqtalıp ótti.