Berdaq atındaǵı Qaraqalpaq mámleketlik universitetinde hár qanday bayram hám belgili sánelerde xızmetkerlerdi saltanatlı túrde qutlıqlap, olarǵa ayırıqsha húrmet kórsetiw turaqlı dástúrge aylanǵan. Búgin, 29-dekabr kúni Berdaq atındaǵı Qaraqalpaq mámleketlik universiteti janındaǵı akademik Ch.Abdirov atındaǵı mádeniyat sarayında jańa jıl múnásibeti menen universitet xızmetkerlerine bayram sawǵaları tapsırıldı.

Onda universitetimizdiń, universitet rektorı akademik A.Reymov, Jaslar máseleleri hám ruwxıy-aǵartıwshılıq isleri boyınsha prorektorı S.Alauatdinov, Oqıw isleri boyınsha prorektorı O.Duysenbaev, Qarjı hám ekanomika isleri boyınsha prorektorı А.Kudaybergenov, Kásiplik awqamı komiteti baslıgı A.Alliyarov hám universitetimizdiń barlıq texnikalıq taraw xızmetkerleri qatnastı.

Dáslep universitet rektorı akademik A.Reymov sózge shıǵıp, bárshe xızmetkerlerdi jańa jıl bayramı menen qutlıqladı hám olarǵa universitet rektoratı hám universitettiń kásiplik awqamı komiteti tárepinen tayarlanǵan bayram sawǵaların tapsırdı. Bunnan soń, Jaslar máseleleri hám ruwxıy-aǵartıwshılıq isleri boyınsha prorektorı S.Alauatdinov sonday-aq, Kásiplik awqamı komiteti baslıgı A.Alliyarovlar sózge shıǵıp, jıynalǵanlardı jańa jıl bayramı menen qutlıqlap

QMU baspasóz xızmeti